P10-million at public apology — ‘yan ang hinihingi ng kampo ni Catriona Gray sa isang local tabloid na nagpakalat ng kanyang mga pekeng nude photo sa kanilang Facebook page at website.
Mula sa demand letter ng abogado ni Miss Universe 2018, kanilang nireklamo ang Bulgar dahil sa anila’y malisyosong post na mapanirang-puri kay Catriona.
Ang nasabing artikulo ay lumabas noong July 19 na may title na ‘After ng bantang pasabog ni Clint… Nude photos ni CATRIONA, kalat na!’.
Ayon sa kampo ng beauty queen, libelous ang nasabing artikulo dahil sa pagpo-post ng larawan na screenshot lamang sa isang advertisement para sa isang clothing and lifestyle brand, na sinamahan pa ng edited na topless photo kung saan pinatong ang mukha ni Catriona.
“In cases where obscene images are disseminated, uploaded, or shared through social media accounts, the person or institution that shared it is liable under the law for violation of Cybercrime Prevention Act,” saad sa liham na pinadala sa Bulgar.
Saad pa, pinahiya ng nasabing tabloid ang pangalan at reputasyon ni Catriona, na kilalang public figure matapos manalo sa Miss Universe.
Dahil dito’y nanghingi ng P10 million na danyos at public apology ang beauty queen mula kina writer Melba Llanera, showbiz editor Janice Navidad, at ang Facebook administrator ng tabloid.
Binigyan ng 10 araw na palugit ang Bulgar para matupad ang demand ni Catriona, at sakaling hindi ito magawa ay tutuluyang sasampahan ng kaso ang nasabing tabloid.
The post Catriona Gray, humihingi ng P10M sa isang kilalang tabloid na nagpakalat di-umano ng mga maseselang edited na larawan niya appeared first on Daily Trending Feed.
Source: Daily Trending Feed
