Ang girlfriend ni Jang Lucero, ang female driver na natagpuang patay sa saksak sa kanyang sasakyan sa Bypass sa Laguna ay hinihinalang dinukot sa Bay town ngayong Miyerkules, ayon sa mga pulis.
Sa isang phone interview ng GMA News online kay Laguna Police Public Information Office Chief Police Lieutenant Colonel Citadel Gaoiran, mahigit mga sampung lalaki ang sapilitang dinukot si Meyah Amatorio at ang kasama nitong kamag-anak.
“Based po sa report ng Bay, allegedly about mga 12:20 p.m. doon sa may Barangay Calo… ito pong si Adrian Ramos y Amatorio at si Meyah Amatorio ay diumano dinukot ng sampung mga kalalakihan,” ayon kay Gaoiran.
Ang mga kamag-anak ni Amatorio ang nagbalita sa mga pulis.
Ang mga pulis ay kasalukuyang iniimbestigahan ang nangyari at naghahanap sila ng iba pang mga witnesses at mga CCTV na pwedeng gamiting ebidensya.
“Tinitingnan po natin kung related ba ito o ano ‘yung motibo,” saad ni Gaoiran.
Source: GMA News Online
The post Girlfriend ni Jang Lucero, dinukot ng mga armadong lalaki sa Laguna appeared first on Daily Trending Feed.
Source: Daily Trending Feed
