Talagang nakakatuwa ang mga couples, mag-asawa, magkasintahan na may mataas na tiwala sa isa’t-isa. Kapag mataas kasi ang tiwala, ay maayos at magaan ang pagsasama. Hindi nag-iisip ang isa’t-isa kung nasaan ang kanilang mga partners dahil sigurado at alam nila na kahit kailan ay hindi magloloko ang isa.
Gaya na lamang ng Pambansang Abs na si Jak Roberto dahil siguradong malalaman at malalaman ni Barbie Forteza kung saan ito nagpupunta.
Ito ang sikreto ng maayos na relasyon nila at mas tumitindi pang pagmamahalan nina Jak at Barbie dahil sa tinatawag na open communication.
Ayon sa dalawa, ay mas tumatag pa raw ang pundasyon ng kanilang relasyon nang dahil sa community quarantine dulot ng COVID-19 pandemic.
“‘Yun for me talaga, ‘yung communication tsaka ‘yung trust. Buti na lang’ yung personality ni Barbie hindi talaga ‘yung sobrang selosa. Wala rin naman siyang pagseselosan,” ani Jak sa panayam ng GMA.
Sabi pa nito, “Para talaga ma-full trust siya sa akin, ibinigay ko talaga ‘yung tracking sa phone ko para alam niya kung nasaan ako.
“Alam niya kung anong ginagawa ko, hindi ko na kailangang mag-text. Naka-track ako sa kanya.”
Mataas naman ang tiwala nila sa isa’t-isa at wala naman daw silang trust issues ni Barbie, “Ako na ang nag-insist. Sabi ko, i-track mo na lang ako para hindi mo na ako hahanapin. Wala naman siya dapat ipagselos din. Confident naman po ako.”
Halos mahigit tatlong buwan ding hindi nagkita ang magdyowa mula nang ipatupad ang ECQ sa Metro Manila, “Ito ‘yung longest talaga na mas malala pa sa nag-abroad. Kasi ito magkasama lang, as in QC lang pero hindi kami makapagkita compared noon.”
“Pero okay lang naman, ganoon naman talaga, e. Kailangan natin sundin ‘yung mga safety measures para hindi tayo mag-spread ng virus. Para matapos na ‘to, kailangan lang natin mag-cooperate,” pahayag pa ng BF ni Barbie.
Pero dahil sa lockdown, hindi na nakapag-celebrate ng kanilang 3rd anniversary na magkasama ang dalawa, “Kasi nu’ng nag-third anniversary kami, dapat pupunta ko kanila para mag-prepare ng something.
“Pero ‘yun ‘yung time na in-announce na hindi pa GCQ (general community quarantine), MECQ (modified enhanced community quarantine) pa lang so bawal pa rin lumabas.
“Ang ginawa ko na lang, Zoom meeting ulit. Tinuruan ko siyang mag-steak noong time na ‘yun pero hindi na namin ginawang vlog,” sabi pa ni Jak sa nasabing interview.
The post Sikat na mag-dyowa sa showbiz, may tracker ang kanya-kanyang mga cellphone para iwas selos appeared first on Daily Trending Feed.
Source: Daily Trending Feed
