Talagang nakakataba ng puso na makakita at makapanuod ng mga tao na kahit anuman ang estado nila sa buhay, ay gumagawa sila ng iba’t-ibang paraan para makatulong sa kanilang kapwa na nangangailangan.
Gaya na lamang ng isang grupo ng magkakapit-bahay sa Gua, Barbaza, Antique, kung saan sila ay nagtipon ng pera para puntahan ang kanilang kapwa kapit-bahay upang maghatid ng surpresang tulong.
Sa isang nakaka-antig at nakakatuwang video na pinost ng Ibang Trip To sa Facebook at Youtube, mapapanood ang pagbisita ng mga magkakapit-bahay sa tahanan ng isang lola sa Baranggay Gua sa Barbaza, Antique na nagngangalang Aling Nisya. Sa video makikita ang abang kalagayan ng matanda at ayon sa kanya ay hindi na siya makakita sa edad na 63.
Ang kanilang ikinabubuhay ay pamumulot sa ilog ng mga suso sa Tagalog at Bitanga o Awis ang tawag sa kanilang lugar.
Kumikita lamang ng P40-P50 kada araw ang matanda na hindi sumasapat sa kanilang pang araw-araw na pangangailangan.
May dalang sorpresa ang mga magkakapit-bahay sa pangunguna ng kanilang lider na si Toto, kasama si Syra na kanyang asawa at isang nagngangalang Gen.
Isang tinatawag na MAGIK ARINOLA ang kanilang bitbit na may lamang paper-cash equivalent na kanilang gagamitin pang-grocery ng matanda.
Ngunit kailangang sagutin muna ni Aling Nisya ang isang nakakatuwang tanong.
Ang unang tinanong ay, Sino ang ating pambansang bayani? na hindi nasagot ni lola dahil hindi siya nakapag-aral.
Ngunit mas nakakatuwa ang naging sagot ni Aling Nisya sa pangalawang tanong na Sino ang ating presidente? Ang unang kanyang sinagot ay si Noy Noy, ang ating nakaraang pangulo, na kalaunan ay kanyang binago at sinagot ang “Duterte” na ikinagalak ng mga magkakapit-bahay.
Dahil nasagot ni Aling Nisya ang tanong, siya ay pinabunot. Ang kanyang nakuha ay ang jackpot cash prize. Agad silang nagtungo sa pinakamalapit na grocery store upang ipag-grocery si Lola.
Pag-uwi sa bahay ay agad na nagpasalamat ang mag-ina sa kanilang natanggap na biyaya.
Isa sa mga nagpahanga sa atin sa grupong Ibang Trip To, ay ang kanilang Vlog #2 kung saan may isa nanaman silang pamilya na tinulungan na may kasama pang Ice Cream Treat para sa mga bata na kanilang ipapalabas sa August 28, Friday.
Talagang nakakatuwa at nakaka-antig ng puso ang grupong ito na magkakapitbahay na kahit sa gitna ng kahirapan ay handa silang tumulong maliit man ang kanilang bitbit.
Ang kahilingan lamang ng grupong Ibang Trip To, ay ang ma-subscribe, ma-like at ma-share ang kanilang page.
Nasa ibaba ang video ng kanilang Vlog #1 mula sa Facebook Page at Youtube Page ng Ibang Trip Na To.
Suportahan natin ang kanilang simpleng kahilingan.
Ito ang kanilang Youtube Channel.
Panoorin dito ang kanilang video.
The post JACKPOT CASH PRIZE, NABUNOT NI LOLA SA MYSTERY ARINOLA!! appeared first on Daily Trending Feed.
Source: Daily Trending Feed
