Higit kailanman, sina Zoren Legaspi at Carmina Villaroel ay alam ang kahalagahan ng pagiging handa at pagiging matipid.
Lalo na pagdating sa pinansyal kung saan madami ang nahihirapan dahil sa kawalan ng trabaho dahil sa COVID-19 pandemic.
Sabi ng 48 year-old na aktor sa PEP, “Siyempre, bilang padre de familia, hindi mo hihintayin na magkaroon ng pandemic. So whether there’s pandemic or none, dapat palagi kang prepared.
“So, ang situation namin, na-prepare ko iyong family in a sense of, kung ano man iyong kinita namin sa mga commercials, it was invested and it was saved. Hindi siya ginastos ng kung anu-ano.”
“NAKA-PREPARE TAYO”
Hindi gaya ng ilang mga celebrities na nagmamay-ari ng iba’t-ibang mga properties sa mga magagarang subdivision, sina Zoren at Carmina ay nakatira sa iisang bahay simula nang 7 years old pa lamang sina Cassy at Mavy na ngayon ay 18 years old na.
Sabi ni Zoren, “Wala naman kaming planong lumipat sa mga first class na subdivisions or first-class condominiums in order to save money.
“Ang akin lang, ang foresight ko doon, to save up, at kung meron man mangyari, somehow, hindi ka magwu-worry, you have enough time to recover.
“E, biglang nagkaroon nitong pandemic. It’s only been five months, so, ayun… like I’ve said, sabi ko kay Mina [Carmina’s nickname], ‘Huwag kang mag-alala, naka-prepare naman tayo diyan.'”
What if it gets extended to, say, 2021?
Ibinahagi naman ni Zoren ang kanyang plano,
“If ever na mag-prolong itong pandemic na ito at umabot ng year 2021, we can sell Mavy first.
“Siyempre, mauubos ang pera noon, ibebenta mo na si Cassy,” biro ng ama ng kambal.
BASIC LIFESTYLE
Bago ang COVID-19 pandemic, ang Legaspi family ay busy sa kani-kanilang mga shows sa Kapuso Network.
Gaya nina Mavy, Cassy at Carmina na busy sa pag-host ng Sarap ‘Di Ba?
Sila ay patuloy pa din sa pag-film ng kanilang show upang ma-enjoy ng mga fans ang mga fresh episodes sa Bahay Edition tuwing sabado ng umaga.
Sila ay malapit sa isa’t-isa kaya ang kanilang pagsasama-sama sa nakalipas na limang buwan ay hindi na bago sa kanila.
So, ano ang kanilang na-realize ngayong pademya?
“Pero kasi ako, I believe in basic lifestyle. Kaya hindi ako masyadong nasa-shock kapag may mga kalamidad or, right now, may pandemya na nangyari sa atin.
“Kumbaga sa boy scout or sundalo, parang I’m always prepared sa battle. Ang isa lang na na-realize ko, although iyong business ko before, nag-build and sell ako, and then si Mina, wanted to go to a restaurant business, mga franchise, iyon ang gusto niya.”
Dagdag pa ni Zoren , “Sabi ko nga, ‘Mabuti na lang, Hon, hindi tayo nag-franchise. Otherwise, ano ang mangyayari?’
“Kasi sometimes, iyong twenty years na negosyo, twenty years mong pinaghirapan, in a span of four months, nagba-bankrupt.
“Doon ko na-realized na, ‘Thank you Lord, ha, hindi mo ako pinush sa mga negosyo.’ Ako kasi, although I know iyong takbuhin ng construction, pero iyong puso ko kasi, nasa producing of movies. Kaya, ayun ang mga talagang gusto ko.”
Para kay Carmina naman, ayon sa kanya , “Huwag i-take for granted. Huwag abusuhin yung mga simple joys.
“When I say simple joys, like going out of your house. Like going to the park, going to the mall or ito, ha, simpleng pagpunta lang sa manicurista mo.
“Aminin niyo iyan, itong five months na lockdown, namiss natin ang mga manicurista natin, hair colorist natin, hairstylist natin, mga barbero natin. Huwag natin silang ite-take for granted.”
Dagdag pa niya, “Ako kasi, ayun lang naman ang kaligayahan ko sa buhay. I’m a homebody. Lumalabas lang ako kapag kailangan ko lang magpa-manicure, magpa-derma, magpagupit lang, ayun ang realization ko na in a snap, nawala silang lahat.”
“And second [realization] ko, iyong time mo with your family. I’m not saying our family, but my Dad, my siblings, iyong mother-in-law ko, mga kapatid niya, my gosh, hindi kami nagkita! Five months because of the lockdown.
“Iyon ang mga huwag mong i-take for granted. Kaya nga kapag may oras, gawin mo na. You’ll never know. Kasi nga, baka hindi niyo na magawa.”
“And magtipid… mag-save talaga for the future,” sabi niya.
Saad pa ng 44-year old actress, “Siya talaga ang sine-secure ang future namin.
“Oo, alam naman nating lahat iyan. Pero iyong iba kasi, sinasabi lang, pero hindi ginagawa.
“Thankful ako dahil si Zoren, talagang ganyan. Hindi siya naghintay na magkaroon ng kalamidad, pandemya para lang mag-save up.”
Mensahe ni Carmina sa mga fans:
“So, ito talaga, lesson learned sa ating lahat ito.
“Don’t take for granted your health, iyong mga finances mo. Kahit sinasabi mong ‘Kumikita ako, ang dami kong raket,’ always save.”
Source: PEP
The post Zoren Legaspi at Carmina Villaroel, iniligtas ng kanilang katipiran at basic lifestyle sa financial crisis appeared first on Daily Trending Feed.
Source: Daily Trending Feed
