Sa hirap ng buhay ngayon, maraming tao ang madaling masilaw at matukso sa pera. Kung ikaw ang nakapulot ng malaking halaga ng pera sa basura, ano ang iyong gagawin?
Maaaring karamihan ang magsasabi at aamin na ibubulsa na lamang ito. Ngunit mayroon pa rin namang may mabubuting kalooban na ibabalik nila ito sa may-ari o isusurrender sa kinauukulan.
Katulad na lamang ng isang mabuting basurero na si Emmanuel Romano na taga Baliwag, Bulacan. Bilang isang garbage collector, siya ay mayroon lamang napakaliit na sweldo na pinagkakasya sa pang araw-araw na pangangailangan ng kanyang pamilya.
Habang nangongolekta ng basura, siya ay nakatagpo ng isang plastic na naglalaman ng limpak-limpak na pera na may halagang halos kalahating milyon.
“Kinabahan po ako, nakita ko po yung pera, tinabi ko po muna sa gilid. Di ko po muna pinakita sa mga kasamahan ko.” wika niya.
Nasa mismong palad na niya ang malaking halagang pera pero gayunpaman ay hindi sumagi sa kanyang isip na pag-interesan o ibulsa ang pera na hindi naman niya pinaghirapan. Malaking tulong na sana ito sa kanyang pamilya lalo na ang kanyang sanggol ay may sak!t at kailangang ipagawa ang kanilang bahay.
Ngunit mas nangibabaw ang kanyang kabutihang loob kaya naman nagtungo siya sa barangay para doon isauli ang napulot niyang pera. Nagkataon naman na may nagreport tunkol sa nawawalang pera.
Nang magkaharap si Emmanuel at ang may-ari ng pera ay tuwang tuwa ito. Paliwanag ng may-ari na kaya napunta sa basurahan ang pera ay dahil napagsaraduhan sila ng bangko at saka inilagay na lamang ito sa isang supot. Na akala naman ng kanyang asawa na ito ay isang basura kaya ito ay itinapon na lamang niya.
Sobrang laki ng pasasalamat at bilib ng may-ari ng pera kay Emmanuel. Bumuhos ang biyaya sa bayaning basurero kung kaya’t ito ay nakatanggap ng iba’t-ibang mga pabuya sa iba’t-ibang mga tao na halos umabot sa lagpas 1 milyon ang halaga:
- 350,000 na naipong Cash mula sa iba’t-ibang mga tao at private companies
- Libreng pagpapa-aral sa apat na anak nito hanggang makatapos
- Siomai Business Cart
- Sari-Sari Store groceries
- Pedicab
- Pagpapa-ayos ng kanilang maliit na bahay na tinitirhan
- Pagiging regular na sa kanyang trabaho
Kinilala rin siya sa lokal na pamahalaan at ginawang regular sa kanyang trabaho. Napatingin na rin nila ang kanilang sanggol sa isang duktor.
Mabuti na lamang at ang nakapulot ng pera ay may napakabuting kalooban.
The post Basurero na nagbalik ng kalahating milyong piso, tumanggap ng pabuya na higit pa sa isang milyon appeared first on Daily Trending Feed.
Source: Daily Trending Feed
