Madami ang nagtatanong kung ano ang mangyayari sa Youtube Channels nina Emman Nimedez at Lloyd Cadena matapos pumanaw.
May punto ang mga tanong na ito dahil kung namatay na ang may-ari ng channel, sino na ang magpapatuloy? Pwede ba ang ibang tao? Wala nang gagawa ng content at wala na ding mag-uupload dito.
Sa kasalukuyan ay ikinalulungkot natin ang pagkamatay ng dalawang pinaka-sikat na YouTuber sa Pilipinas sa halos magkasunod na buwan lamang.
Si Emman Nimedez ay namatay sa sakit na acute myeloid leukemia at si Lloyd Cadena ay sa sakit na c0vid na natuloy sa cardiac arrest.
Alam natin na silang dalawa ay may napakaraming mga subscribers na umabot na sa milyong mga tao na sumusubaybay sa kanilang mga channels. Sabi din nila, na ang mga ito ay kumikita din ng malalaki sa paggawa ng mga videos nila.
Pero ngayon na sila ay wala na, paano na ang kanilang mga YouTube accounts?
Ayon kay Google, ang kumpanyang may-ari ng YouTube, ang isang inactive account ay kanilang susuriin kung ito ba ay dapat nang isara o hindi.
Ang unang proseso ay, kailangan nilang malaman mula sa may-ari ng account kung ito ba ay ipapasara na o hindi.
Ngunit kung ang account holder ay walang plano or kahit na anong instructions na iniwan, ang google ay maaaring makipag-usap sa pamilya o sa representatives gamit ang matinding verifications na kailangang maganap muna.
Sa huli, idinagdag ng YouTube na, maaari din silang mag-provide ng content mula sa inactive account matapos ang ilang mga confirmations and verification sa pamilya o representative ng namayapang account holder.
Ayon sa YouTube, “We recognize that many people pass away without leaving clear instructions about how to manage their online accounts. We can work with immediate family members and representatives to close their account of a deceased person where appropriate. In certain circumstances, we may provide content from a deceased user’s account.”
Source: Daily Trending Feed
