Ipinost ng entertainment columnist na si Dolly Anne Carvajal sa Facebook page niya ang birthday greeting video ni Cesar Montano para sa kanya.
Nagmistula itong re-enactment ng pagbati ng aktor kay Barangay Kagawad Chris Morales nf Sta. Ana, Manila noong October 2018.
“Happy birthday Kagawad Chris Morales of Sta. Ana. More power to you. Don’t forget na merong Cesar Montano na nagsu-support sa iyo, si Buboy. Love you, men. Happy birthday. God bless,” linya ni Cesar sa video clip na naging kontrobersiyal at nag-viral noon dahil hindi napansin ng aktor na nahagip ng cellphone camera niya ang isang hubad na babae.
Fast forward to September 26, 2020: Nagpahatid ng pagbati si Cesar kay Dolly Anne para sa kaarawan nito. Wala itong ipinagkaiba sa video greeting ng aktor para kay Kagawad Morales.
But this time, hindi na nakahubad ang babae sa background na tinawag ni Cesar para bumati rin kay Dolly Anne ng “Happy birthday.”
“BFF, Happy, happy birthday to you! Huwag mong kakalimutan na merong Buboy, Cesar Montano, na nagmamahal at nagdarasal ng safety and good health, ‘yan! I love you, BFF Dolly!”
Posted by Dolly Anne Carvajal on Friday, 25 September 2020
Natatawang biro pa ng actor-director, “BFF, yung talent ko, nandidiyan na. Sandali, bakit may damit na ito, ah?”
Sagot ng babae, “Siyempre, wholesome tayo ngayon. Happy birthday, Mare. We love you!”
Natatawa pa ring saboi ni Cesar, “Next time, yung isa kong talent, available na. ‘Yon talaga, daring ‘yon. Next time na lang ‘yon.
“We love you, BFF Dolly Anne. God bless you and your entire family. We love you!”
Nag-make face ang babaeng kasama ni Cesar, at ang naging reaksiyon nito ang kumpirmasyong siya ang mystery woman sa viral clip na pinagpistahan noong October 2018.
Maria Socorro ang pangalan ng babae.
Ayon sa masisipag na netizens na nag-research noong October 2018, siya ang matagal nang partner ni Cesar, na ginawa na lamang biro at katatawanan ang kanyang viral video.
Ang paglantad ni Maria Socorro sa video ang isang patunay na hindi na nila inililihim ni Cesar ang kanilang pagsasama.
Malaya na si Cesar makipagrelasyon sa ibang babae dahil ipinagkaloob ng korte ang annulment ng kasal nila ni Sunshine Cruz noong September 2018.
Ang Viral na Video Greetings ni Cesar Montano
Trending sa social media ang isang video greeting ng aktor na si Cesar Montano.
Oktubre 30 na-upload sa Facebook ang 15-second video greeting ni Cesar para sa isang kagawad sa Sta. Ana, Manila.
Hindi ang pagbati ni Cesar ang nakapukaw sa atensiyon ng netizens na nakapanood ng video kundi ang tila nakahubad na babae sa likuran.
Sandali lang nakita ang babae, na makikitang kumuha ng tuwalya, dahil naka-focus ang cell phone camera kay Cesar.
Hindi rin maaaninag ang mukha ng babae.
Ang video ay in-upload ng Facebook user na si “Rolando Olano” at nakakuha ito ng halos 1 million views; mahigit 11,000 comments; at higit 36,216 shares.
At press time ay burado na ang video sa FB account ni “Rolando Olano,” ngunit na-repost na ito ng ibang netizens.
Marami rin ang naka-screen grab ng images mula sa video.
Source: Pep.ph
Source: Daily Trending Feed
