Sa wakas ay ipinakilala ni Bela Padilla ang foreigner boyfriend niya na nagngangalang Norman Ben Bay.
Ito ay ilang araw matapos kumalat sa social media ang kuha ni Bela na nagbabakasyon sa Turkey kasama ng hinihinalang nobyo niya.
Sa kanyang Instagram post ngayong Martes, October 6, inanunsiyo ni Bela na nakilala niya si Norman sa St. Gallen, Switzerland.
“The one I met in St. Gallen,” saad sa caption ng 29-year-old Kapamilya actress.
Sinamahan pa niya ito ng emoji na napapakit upang ipahiwatig ang kanyang kilig.
Posibleng habang nagsu-shooting si Bela ng 2018 movie na Meet Me In St. Gallen, kung saan katambal niya si Carlo Aquino, nakilala ng aktres si Norman.
Kuha ang litrato nina Bela at Ben sa Rose Valley, isang sikat na tourist destination sa Cappadocia, Turkey.
Nag-toast sila ng hawak nilang wine glass habang tanaw sa kanilang background ang napakagandang sunset view.
May isa pang litrato ang couple kunsaan masuyong hinawakan ni Ben sa noo si Bela habang nakatitig sa dalaga.
SINGLE FOR ALMOST FOUR YEARS
Ito ang unang pagkakataong nagpakilala si Bela ng bagong pag-ibig sa loob ng halos apat na taon niyang pagiging single.
Huling nakarelasyon ni Bela ay si Neil Arce.
January 2017 nang ihayag ni Bela na nakipaghiwalay siya kay Neil matapos ang apat na taong relasyon.
Ikakasal na si Neil sa aktres ding si Angel Locsin.
Source: Daily Trending Feed
