Hindi pa man nakakapag landfall kanina ay naramdaman na kagad ng mga taga Bicol region ang bagsik ng Bagyong Ulysses.
Sa mga litratong kumakalat sa social media ay makikita ang mga tao na hirap sa paglikas dahil sa lakas ng hangin at ulan.
Mabuti na lamang at nakaantabay ang mga local government unit para sagipin ang mga residente na gustong lumikas sa kanilang mga kabahayan.
Sa mga litrato namang kuha ni Trisha Cinco ay makikita ang epekto ng bagyong Ulysses sa Barangay Hinipaan, Bagamanoc, Catanduanes kung saan ay lumubog na ang mga bahay doon dahil sa walang tigil na pag ulan.
Sa mga social media post naman ni Hannah Ashley ay makikita na hirap narin ang mga residente ng Boclod, San Jose Camarines Sur kanina dahil sa rumaragasa na ang baha habang sila ay lumilikas.
Gumamit na ng tali ang mga taga rescue upang hindi maanod ang mga taong kanilang sinasagip.
Ayon sa mga ulat ay 170,000 na ang mga tao na apektado ng Ulysses.
Naputol narin ang suplay ng tubig at kuryente sa ilang parte ng Bicol.
The post Bagsik ng Bagyong Ulysses, naranasan ng mga residente ng Bicol region appeared first on Daily BNC NEWS.
Source: Daily BNC News
