Kahit ang farm ng kilalang aktor na si Gary Estrada sa Quezon Province ay hindi nakaligtas sa hagupit ng Bagyong Rolly.
Sa isang video ay ipinakita ang nangyari sa kanyang 3.5 ektaryang farm sa San Antonio, Quezon na kanyang naipundar mula sa pagta-trabaho sa showbusiness ng ilang dekada.
Makikita kay Gary ang lungkot ng siya ay kamustahin ng kanyang asawa na si Bernadette na siyang nagre-record ng video sa farm.
Hindi napigilan ng aktor na maging emosyonal dahil sa nangyari sa kanyang farm matapos ang bagyo.
“Naiiyak ako sa ano (nangyari),” sabi ng aktor na isang plant lover sa kanyang asawa.
Sinubukan namang pakalmahin ni Bernadette ang kanyang asawa at sinabing hindi naman masyadong nasira ang kanilang farm.
“Okay, okay lang yan. Buti nga hindi masyado. Marami lang leaves, buong farm lilinisin natin,” sabi ni Bernadette kay Gary.
Kahit ang mga netizens ay sinabing hindi dapat malungkot si Gary dahil wala namang nangyaring masama sa kanyang pamilya, hindi katulad ng ibang nasalanta ni Rolly.
“Ok lang sir importante ligtas kayong lahat. Magtanim ka ulit yung mga nasirang mga tamin,” saad ng isang netizen.
The post Farm ni Gary Estrada sa Quezon, hindi nakaligtas sa hagupit ng Bagyong Rolly appeared first on Daily BNC NEWS.
Source: Daily BNC News
