Bayani ang turing ng mga netizens ngayon sa aktor na si Jericho Rosales at kanyang fashion influencer na asawa na si Kim Jones dahil sa gumawa sila ng paraan upang makatulong sa mga apektadong residente ng bagyong Ulysses.
Sa isang litrato, makikita si Jericho na gumamit ng surfboard upang puntahan ang ilang mga residente sa barangay Tumana, Marikina na na-stranded dahil narin sa lubog na ang kanilang mga tahanan sa baha.
Ayon sa kanya ay madalas na talagang problema sa barangay Tumana ang pagbaha.
“‘This morning paglabas namin, baha na. Usually kapag baha dito kasi, ganyan talaga. Laging ganyan ang problema. Sometimes walang boats or flotation devices so naglabas kami ni Kim ng surfboard. Okay naman [‘yung mga napuntahan namin sa bahay], safe naman sila, thank God. May mga iba lang na hindi na mapuntahan nung rescue teams kasi malakas na ‘yung agos and wala pang boats.” ani Jericho.
Sinigurado naman ni Jericho na ligtas na ang mga nasabing residente at nabigyan narin nila ito ng impormasyon tungkol sa bagyo.
Inihalintulad si Ulysses sa bagyong Ondoy na dumaan sa Pilipinas noong 2009.
“In terms of pag-ulan natin, ina-assess pa rin natin pero comparable po… Masasabi nating mas maraming pag-ulan na naranasan dito sa bagyong Ulysses compared kay Ondoy dahil malawak ang bagyo,” saad ni PAGASA weather forecaster Benison Estareja.
170,000 naman ang lumikas sa kanilang mga kabahayan dahil sa posibleng paglubog ng kanilang mga tirahan.
Sa ngayon ay patuloy parin ang rescue operations ng mga otoridad sa iba’t ibang parte ng Luzon.
Nagsagawa narin ng aerial inspection si Pangulong Rodrigo Duterte upang makita ang pinsala na naidulot ng nasabing bagyo sa bansa.
The post Jericho Rosales at Kim Jones, hinangaan ng mga netizens dahil sa pagtulong nito sa pag rescue ng mga residente sa Marikina appeared first on Daily BNC NEWS.
Source: Daily BNC News
