Itinuturing na bayani ngayon ang nasawing miyembro ng Philippine National Police Highway Patrol Group (PNP-HPG) na si Police Chief Master Sgt. Julius Arcalas dahil sa ibinuwis nito ang kanyang buhay habang ginagampanan ang kanyang trabaho.
Matatandaan na nawalan ng buhay si Arcalas matapos itong maka ekwentro ang isang motorista sa Cavite City na kanya lamang sinisita.
Dahil sa ginawa nitong kabayanihan ay gagawaran si Arcalas na isang residente ng Bacoor City ng “Medalya ng Kadakilaan” na ibibigay ng PNP HPG sa kanya.
Bumisita sa burol ni Arcalas ang mismong direktor ng HPG na si Brigadier General Alexander Tagum na sinabing hindi nila sasayangin ang sakripisyong ginawa ng kanilang miyembro.
“Ang nangyari dito… will not deter the commitment of the Highway Patrol Group on our relentless pursuit of our mandate to ensure the security and safety of our national highways and streets,” saad ni Tagum.
Habang marami ang nag aalala kung ano ang mangyayari sa naiwang pamilya ni Arcalas ay nangako ang HPG na sisiguraduhin nila na mabibigyan sila ng ‘full support’.
“The commander-in-chief President Rodrigo Roa Duterte conveyed his deepest condolences to the bereaved family of the fallen HPG Tiger PCMS Julius Arcalas and to the HPG family. He made sure too that full assistance will be provided to the family,” ani Tagum.
Samantala ay nangako si Pangulong Rodrigo Duterte na magbibigay ito ng mga vest at body cameras sa mga miyembro ng HPG para maiwasan na maulit ang insidente.
The post Mga anak na naiwan ng nasawing PNP-HPG sa Cavite, makakatanggap ng ‘full support’ sa gobyerno appeared first on Daily BNC NEWS.
Source: Daily BNC News
