Kahit nakaalis na sa bansa ang bagyong Ulysses ay ramdam na ramdam parin ang epekto nito sa ilang parte ng Luzon, lalo na sa Cagayan kung saan ay napabalitang lumulubog na sa baha ang ilang lugar doon.
Kanina ay binuksan na ang Magat Dam kung na naging dahilan upang tumaas ang lebel ng tubig sa Cagayan.
Ngayon ay punong puno ang social media ng mga mensahe ng paghingi ng tulong mula sa mga netizens.
Napabalitang isa sa mga pinaka apektadong lugar ngayon sa Cagayan ang Linao East, isang barangay na malapit sa Cagayan River.
Sa ilang social media post ay makikita na humihingi na ng saklolo ang mga tao doon dahil sa patuloy na pagtaas ng lebel ng tubig.
Mayroon naring napaulat na binawian ng buhay sa nasabing barangay.
Sa isang video na ipinost ni netizen Jenalyn Macababbad Langcay maririnig ang mga tao sa Linao East habang humihingi ng tulong.
Kinumpirma naman ng Armed Forces of the Philippines at ilang grupo na nagsasagawa na sila ng rescue operations sa lugar ngunit pahirapan ito dahil sa zero visibility ang nasabing barangay.
Kaya ang pakiusap nila sa mga na stranded sa kanilang mga bubong ay sumigaw sila o gumamit ng ilaw upang matunton sila ng rescue team.
May ilang lugar rin papasok sa Cagayan ang lubog na sa baha kaya’t pahirapan sa karagdagang rescue team na makapasok sa mga lugar na nangangailangan ng tulong.
The post PAKINGGAN: Sigaw ng paghingi ng saklolo ng mga residente ng Linao East, Tuguegarao appeared first on Daily BNC NEWS.
Source: Daily BNC News
