Biglang nagkaroon ng kaunting tensyon sa senado kanina habang ipinagtatangol ni Senador Pia Cayetano ang P9.5-B na inutang ng gobyerno para gamitin pampatayo ng mga imprastraktura na itinayo para sa 2019 Southeast Asian Games.
Isinusulong kasi ni Senador Risa Hontiveros na miyembro ng oposisyon na imbestigahan ang mga nasabing utang ng gobyerno.
Ayon kay Cayetano ay ‘world-class’ ang itinayong mga gusali ng gobyerno gamit ang inutang nila at mismong world bank pa nga daw ang mga nag bigay ng advice sa gobyerno.
Hindi na napigil ni Cayetano na taasan ang kanyang boses dahil diumano’y kada may gagawin na lamang na maganda ang gobyerno ay lagi nalang ginagawan ng political issues.
“Wala ng mag aabalang gumawa ng matitino at kahanga hangang mga infrastructure dito sa Pilipinas dahil magpatayo ka lang ng maganda ay sasabihin na may kalokohan ka,” ani Cayetano.
“So paano puro bulok nalang tayo para walang pumansin, ganon? Paano magiging white elephant, madam sponsor, do you even know what are the conditions of the sports facilities para sabihin mo na ang world class na ‘yun ay magiging white elephant?” dagdag niya pa.
Tinatawag ang isang proyekto na white elephant kung ito’y magiging magastos ngunit hindi naman masyadong magiging kapakipakinabang sa mga publiko.
Sinabi rin ni Cayetano na gagamitin din ang mga nasabing imprastraktura para sa mga atletang gustong maging susunod na “Manny Pacquiao” kaya’t hindi nito maintindihan kung bakit nasabi nila na ito’y isang white elephant project.
Hiniling ni Cayetano na sana’y mag dahan dahan ang mga kritiko sa pagbatikos sa nasabing mga proyekto.
Si Senador Cayetano ang kapatid ni dating House Speaker Alan Peter Cayetano na naging chairman ng Philippine Southeast Asian Games Organizing Committee na nangasiwa ng palaro noong 2019.
The post Pia Cayetano gigil na binanatan si Risa Hontiveros: “So paano puro bulok nalang tayo?” appeared first on Daily BNC NEWS.
Source: Daily BNC News
