Isang Rapper na nagrereklamo sa gobyerno ang napagsabihan ng isang pulis dahil sa tila ay pinagmamadali nito ang mga nagre-rescue sa mga apektado ng bagyong Ulysses.
Sa isang Facebook post, binanatan ng hip-hop artist na si Geo Ong ang gobyerno at hinimok pa niya ito na wag daw munang unahin ang “pamumulitika”.
“Nasan kaya ang Gobyerno? Kayo ang po ang may kakayanan at may gamit para makatulong sa sitwasyon ngayon ng bansa. Pairalin naman natin ang malasakit at wag na muna ang pamumulitika kahit ngayon lang ho parang awa niyo na,” saad ni Geo.
Hindi naman napigilan ng netizen na si Ro Jie Ravz na pagsabihan si Geo sa kanyang mga sinabi sa kanyang social media post.
Ayon sa kanya ay hindi naman kagad makakapagbigay ng update at makakakuha ng litrato ang mga nagre-rescue sa social media dahil napakadaming tao ang kailangan nilang unahing iligtas.
“Relaks ka lang bay, marami ng nakadeploy at hindi lahat yun maipopost agad, tulong muna bago picture, hindi picture muna tapos picture ulit, di ganun un! Pinagpaplanuhan muna bay, ang gobyerno tao rin nanganganib din. Tulungan lang bay wag utak talangka,” sabi ni Ro Jie.
Nagpakilala si Ro Jie bilang isang pulis at isa ring bumbero na siguradong kasama rin sa mga rescue operations na nangyayari ngayon sa iba’t ibang parte ng Luzon.
Bigla namang binura ni Geo ang kanyang post sa hindi malamang kadahilanan.
Hindi pa nagbibigay ng pahayag si Geo sa mga batikos na kanyang natanggap.
Kasalukuyang isinasagawa ang mga rescue operations sa iba’t ibang bahagi ng bansa kasama na rito ang Marikina at Rizal.
The post Rapper na si Geo Ong, nagrereklamo sa gobyerno kaya pinagsabihan ng isang bumberong pulis: “Wag utak talangka!” appeared first on Daily BNC NEWS.
Source: Daily BNC News
