Inanunsyo ng Bangko Sentral ng Pilipinas (BSP) ang umpisa ng kanilang pag imprenta sa National ID para sa mga Pilipino.
Sa isang Twitter post, ipinakita ni BSP Governor Benjamin Diokno ang sample ng National ID na ipapamahagi sa mga Pilipino.
Ipinakita rin niya kung paano ginagawa ang mga nasabing ID na matagal ng isinusulong ng gobyerno.
Ayon kay Diokno ay kayang gumawa ng BSP ng 154,000 na ID kada araw.
Sinabi ni Diokno na mapapadali ng National ID ang pag apply ng mga Pilipino sa mga financial services.
“WIth this National ID, it would be easier to comply with the stringent Know-your client (KYC) requirement of banks- a usual roadblock to access financial services. With it, it would be easier for Filipinos to open bank account,” ani Diokno.
Samantala, sinabi naman ni Socioeconomic Planning Acting Secretary Karl Kendrick T. Chua na mayroon ng 3.3-M na Pilipino na nakapag kumpleto na sa step one ng registration para sa national ID.
Inaasahan na sa taong 2022 ay makukumpleto na ang registration ng national ID para sa lahat ng Pilipino.
The post TIGNAN: Gobyerno inumpisahan na ang paggawa ng National ID ng Pilipinas appeared first on Daily BNC NEWS.
Source: Daily BNC News
