Maraming netizens ang humanga si long-time trainer ni Filipino boxing champion at Senador Manny Pacquiao na si Buboy Fernandez dahil sa kanyang dedikasyon sa pagsisilbi sa kanyang mga kababayan sa Polangui, Albay.
Sa mga litratong kumakalat sa internet makikita si Fernandez na ngayo’y bise alkalde ng Polangui na tumutulong sa rescue operations sa kaniyang nasasakupan.
Hawak ang isang chainsaw ay mismong si Fernandez ang pumuputol ng mga puno na hindi nakayanan ang lakas ng Bagyong Rolly.
Isa ang Polangui sa mga pinaka apektadong lugar sa Pilipinas sa gitna ng pananalasa ng Bagyong Rolly.
Ngunit kahit na mapanganib ay pinili parin ni Fernandez na mamalagi sa kanyang nasasakupan upang samahan ang kanyang mga kababayan.
“Buboy is a heavyweight champ to the municipality of Polangui, what a blessing to the town,” ani Barfi Flaw.
“They just follow in the footsteps of their leader. you are a PAC-MAC example,” saad ni Emilio Vidal.
“Mainam tlga mga nagiging pulitiko galing sa hirap alam na alam ang galawan pag me sakuna.. salute sayo vice mayor buboy for sure ur people to ur city will be very proud to you,” sabi pa ni Lime Sotnas.
Nakilala si Fernandez bilang part ng training team ni Pacquiao simula pa noong baguhan palang ito sa boksing.
Sa isang panayam ay ikinuwento ni Pacquiao na parehas silang lumaki sa General Santos City.
Todo pasalamat si Fernandez sa people’s champ dahil isinama siya nito sa kanyang tagumpay.
Ayon sa kanya ay hindi niya alam kung ano kinahinatnan ng buhay niya kung hindi niya nakilala ang kanyang bestfriend na si Senador Manny.
The post Trainer ni Manny Pacquiao na si Buboy Fernandez hinangaan dahil sa hindi nito iniwan ang kanyang mga kababayan sa gitna ng Bagyong Rolly appeared first on Daily BNC NEWS.
Source: Daily BNC News
