Isang call center agent ang nagpataas sa mga kilay ng mga netizens matapos nitong murahin ang kilalang public service program host at mamamahayag na si Raffy Tulfo.
Sa nasabing episode ng Raffy Tulfo in Action ay inireklamo ni “Felicity” ang kasambahay na nag aalaga sa kanila na si Gerlie Jaim.
Binabayaran si Jaim ng lola ni Felicity na ngayon ay nasa Guam upang alagaan silang magkapatid.
Mariing itinanggi ni Jaim ang reklamo laban sa kanya at nilinaw na dinidisiplina niya lang ang mga batang kanyang inaalagaan.
Ipinaliwanag naman ng ina ni Felicity na si Rowena Brisuela na napilitan lamang siyang ibigay ang mga bata sa kanilang lola dahil sa wala itong mahanap na maayos na trabaho.
Kung mapupunta sa kanya ang kustodiya ng mga bata ay sinabi ni Brisuela na hihingi na lamang siya ng sustento sa kanilang lola dahil sa wala parin siyang trabaho hanggang ngayon.
Dito na naungkat sa usapan ang dating kinakasama ni Brisuela at ama ni Felicity na si Bjorn Malagueno at sinabing iresponsable ito kaya’t hindi narin nila ito inaasahan na magbibigay ng tulong.
Tinawagan ni Tulfo si Malagueno upang kausapin ito tungkol kay Rowena at Felicity.
Ingles ang ginamit na lengwahe ni Malagueno upang kausapin si Tulfo.
Nag init kagad si Malagueno at sinabi na bakit hindi nalang dalhin ni Rowena ang kaso sa korte at bakit pa daw ito dinala kay Tulfo.
Pinuna naman ni Tulfo ang pagsasalita ng Ingles ni Malagueno dahil alam naman ng lahat ng Pilipino ito at marunong magsalita ng Tagalog.
Ngunit nagpatuloy parin sa pagsasalita ng banyagang lengwahe si Malagueno at sinabing karapatan niya raw ito.
Dito na biglang minura ni Malagueno si Tulfo saka binaba ang telepono.
Ibinahagi naman ni Brisuela na naghiwalay sila ni Malagueno dahil sa hindi na tama ang ginagawa nito sa kanya at may bisyo rin daw ito.
Bago matapos ang nasabing episode ay tumawag pa si Tulfo sa PDEA at hiniling na imbestigahan si Malagueno kung totoo nga ba na gumagamit ito.
Nangako naman ng PDEA na gagawin nila ang lahat para malaman ang katotohanan tungkol kay Malagueno.
The post Call center agent, minura at binabaan ng telepono si Raffy Tulfo on air appeared first on Daily BNC NEWS.
Source: Daily BNC News
