Ramdam na ramdam na talaga ang diwa ng pasko sa Maynila lalo na ng isabit na ng mga opisyal ng Barangay 320 ang mga parol na binili nila mula sa isang tindero na nag viral kahapon.
Sa mga litratong kumakalat ngayon sa social media ay makikita na nakasabit na ang mga parol na kinuha kanina ng mga nagpakilalang tauhan ni Manila City Mayor Isko Moreno.
Matatandaan na nakuha ng tindero at mangagawa ng parol na si Maximino Simon ang atensyon ng libo libong netizens sa social media matapos siyang mag post ng litrato habang umiiyak.
Hindi kasi sumipot ang customer niya na nagpagawa ng mga parol na umabot na sa P100,000 ang presyo.
Ayon sa kanya ay nabaon na siya sa utang para maipagawa ang mga nasabing parol ngunit hindi niya inaakala na hindi naman pala ito bibilhin sa kanya.
Kaya’t ng sumikat ang kanyang post sa social media ay nagtulong tulong ang mga tao na i-promote ang kanyang mga parol kasama na dito si Mayor Isko Moreno.
“Maraming salamat po mayor,” ani Maximino sa kanyang latest Facebook post.
Kinuhanan din ni Maximino ang aktwal na pagkuha ng mga parol sa kanya.
Ayon sa isa sa mga mangagawa ng shop ni Maximino ay tuwang tuwa ang kanilang boss at hindi makapaniwala na mismong ang alklade ng kanilang siyudad ang tutulong sa kanya.
“Salamat Po sa nyo yormi isko moreno.. at sa lahat po Ng social media..!! Buong puso pasasalamat po sa inyong lahat..sobra nyu po napasaya Ang aming boss lakay.!! Merry Christmas manigong bagong taon.!!” ani JD Balubayan.
Matatagpuan sa Central Market, Sta Cruz, Manila ang shop ni Maximino.
The post Mga biniling parol sa tindero na hindi sinipot ng buyer, isinabit na sa mga lugar sa Maynila appeared first on Daily BNC NEWS.
Source: Daily BNC News
