Hindi na napigil ni Metropolitan Manila Development Authority (MMDA) Assistant Secretary and Spokesperson Celine Pialago ang kanyang galit sa ABS-CBN reporter na si Doris Bigornia dahil diumano sa ibinalita nito.
Kahapon ay pinuna ni Pialago si Bigornia dahil sa naging report nito tungkol sa Asec sa TV Patrol tungkol sa pagbubukas ng isang u-turn slot sa Metro Manila.
Ayon kay Pialago ay pinutol diumano ni Bigornia ang mga sinabi niya sa viber kung saan ay kinakausap niya ang ilang miyembro ng media tungkol sa traffic updates.
Ipinaliwanag ng Asec na tila pinutol ni Bigornia ang nasabing Viber at pinalabas na nalito ang ilang miyembro ng media sa sinabi niya.
“Kanina sa report mo sa TV Patrol. Ako ang nagsabe na bukas na ang darrio bridge u turn, yes! pero hindi mo nilabas sa TV ang buong laman ng GC, nakalagay bukas un sa emegency vehicles at nung tinawagan ko si Sir Dexter Cardenas ng QC Traffic ngayong gabi, he confirmed and he said “yes mam pinagamit na po sa mga emergency vehicles. Tapos sasabihin mo nagdulot ng kalituhan ang message ko sa viber group?” saad ni Pialago.
Pinaalala rin ni Pialago ang diumano’y pagmamakaawa ni Bigornia sa kanya matapos niyang balakin na magsampa ng kaso laban sa mamamahayag.
“Remember the day, when you begged and asked for forgiveness in Mario’s Restaurant. Asking me to withdraw my case against you. Ang bait bait mo nun, umiyak ka at nagmakaawa. Naghanap ka ng padrino para makausap ako. Tinrato kitang tao. Ang pakiusap ko lang sayo. Tama na Mam, basta tama na kamalditahan mo.“ sabi niya.
Ayon sa kanya ay labis niyang pinagsisihan noon na hindi niya itinuloy ang kaso laban kay Bigornia.
“This time hindi kita papalagpasin. Kung meron akong pagsisisi ngayong 2020, yun ay yung pinatawad pa kita. Demonyo kang reporter ka,” ani Pialago.
Nangako si Pialago na hindi niya na papatawarin muli si Bigornia at dadalhin sa korte ang mga ginawa ng reporter sa kanya.
Hindi pa nagbibigay ng pahayag si Bigornia sa panibagong banat sa kanya ni Pialago.
Matatandaan na nagkaroon na rin ng isyu si Pialago at Bigornia.
Noong 2019 ay inakusahan ni Pialago si Bigornia ng pamamahiya at pananakit.
“Every time I meet her, she always turns a sour face, as if she wants me to go away. Her tone of voice is always mean and contemptuous,” kwento ni Pialago.
“During a press conference, she shouted to her camera operator, Si GM (Jojo Garcia) lang kukunan mo sa frame wag mo isama yang katabi niya’,” dagdag niya pa.
The post MMDA Spox Celine Pialago, gigil na gigil kay Doris Bigornia: “Demonyo kang reporter ka!” appeared first on Daily BNC NEWS.
Source: Daily BNC News
