Ikinatuwa ng mga netizen ang ginawang challenge ng komedyante na si Jose Marie Viceral o mas kilala bilang Vice Ganda matapos itong maging crew ng isang sikat na fast food chain.
Sa kanyang latest vlog, ipinakita ni Vice kung paano siya nagtrabaho ng isang araw bilang isang crew sa “Mang Inasal”.
Sa unang parte ng vlog ay sinubukan niya na maging cashier at kalaunan ay ginawa niya na rin ang trabaho ng service crew kung saan ay siya ang nagbibigay ng kanin sa mga customer.
May ilan na hindi makapaniwala na si Vice ang nasa harap nila.
Ipinakita rin kay Vice kung paano nga ba niluluto ang mga produkto ng nasabing fast food chain.
Nagpasalamat naman si Vice sa mga empleyado ng Mang Inasal dahil sa hindi nila pinabayaan ang komedyante habang ginagawa ang challenge.
“Madami akong natutunan at happy ako na kayo ‘yung mga nakasama ko today, maraming salamat po,” saad ni Vice.
The post Vice Ganda, sinubukan na maging service crew sa isang sikat na fast food chain appeared first on Daily BNC NEWS.
Source: Daily BNC News
