Nagpakita ulit ang 24 Oras ng mga panibagong footage na kuha sa CCTV ilang oras bago nakita ang flight attendant na si Christine Dacera na wala ng malay habang nakahiga sa bath tub ng room 2209.
Sa mga nasabing footage, makikita na bandang 5:45 AM ng umaga ng Enero 1 ay makikita si Dacera habang papasok sa room 2207 kung saan tumutuloy ang walong kalalakihan na hindi orihinal na kasama ng flight attendant sa nasabing hotel.
Bandang 6AM ng sunduin ni Valentine Rosales si Dacera sa 2207 para ihatid siya sa kanilang kwarto sa 2209.
Nagtagal ng 20 minuto si Rosales sa room 2207 bago sila lumabas ni Dacera papuntang 2209.
Bandang 6:40 AM ay nakitang nagtatalo ang ilan sa mga person of interest na sina Edward Madrid at Joseph Darwin Macalla sa hallway.
Ayon sa source ng video ay dapat maipaliwanag ng walong kalalakihan kung ano ang nangyari sa room 2207 pagkatapos pumasok ni Dacera sa kanilang kwarto bandang 5:45 AM.
Sinabi pa na pagkabalik ni Dacera mula sa 2207 ay doon na nagumpisang sumama ang pakiramdam ng flight attendant.
Matatandaan na nasa room 2207 din ang diumano’y lalake na naglagay ng kung ano sa inumin ni Dacera.
Ayon sa ilang report ay naunang umalis ng hotel ang mga nasa 2207 kaysa sa grupo ni Dacera.
Sakay ng pulang kotse ang nasabing grupo.
Hindi pa nagbibigay ng paliwanag si Madrid at Macalla kung ano ang kanilang pinagtatalunan ng mga oras na ‘yon.
The post Dalawang kasama ni Christine Dacera sa hotel, nakitang tila nagtatalo sa CCTV ilang oras bago makita ang flight attendant sa bath tub appeared first on Daily BNC NEWS.
Source: Daily BNC News
