Mariing itinanggi ng Philippine Marines ng binigyan nila ng military honors ang flight attendant na si Christine Dacera na inilibing na noong Enero 10 ng umaga.
Naging kontrobersiyal kahit ang libing ni Dacera dahil sa ilang litrato na kumalat kung saan makikita ang kabaong ng flight attendant na binubuhat ng mga tila miyembro ng AFP papunta sa kanyang huling hantungan.
Ngunit nilinaw ng Philippine Marines na tanging mga reservist lamang nila ang kanilang inatasan na magbuhat ng kabaong ng flight attendant dahil sa hiling ng kanyang ina na si Mrs. Sharon Dacera.
Maliban sa pagbubuhat ng kabaong ng flight attendant ay nandoon din ang mga nasabing reservist para panatilihin ang seguridad sa libing.
“No military honors were rendered during the burial of Ms. Christine Dacera,” ani Philippine Marine Corps Commandant MGen. Ariel Caculitan.
Ayon sa kanila ay hindi naman masama kung tutuparin nila ang personal na hiling ni Mrs. Dacera lalo na’t isa rin itong reservist ng Philippine Marines.
“Wala din naman bawal kung nag-assist sila magbuhat kung makakatulong,” saad ni Caculitan.
Matatandaan na binatikos ng ilang netizens ang libing ni Dacera dahil sa tila special treatment na natanggap niya.
“Ung sundalo tagabitbit n rin ng bulaklak. St peter yan may mga tao cla taga buhat ng bulaklak san man dalhin. My goodnes nakakakilabot lang,” ani Chelle Adra.
“Sana pinagbuhat nyo yung mga kasama nyang mga bakla kc sabi nila parang kapatid na nila christine nasan n sila?” sabi ni Carmelita Baltazar.
“Prang unfair neto last october lng nmatay ung father ko 33 years sia ngserbisyo bilang army . Pero d cia bnuhat ppnta sa huling hantungan nia just saying . Unfair tlga sa earth .. but rest in peace,” ayon kay RB Martino Billedo.
May ilan naman ang nagtanggol kay Dacera at sinabing dapat ay hayaan muna ng publiko ang pamilya ng flight attendant na magdalamhati sa pagkawala ng kanilang kamag anak.
“Ano bayan big issue tlga ung pag buhat ng mga polis [Sundalo]…. umiiral nman inggit ng mga pinoy.. lahat nlang ng galawan ng kapwa nababantayan,” ani Vivian Francisco.
Punong puno naman ng kalungkutan ang pamilya ni Dacera habang sila’y namamaalam sa flight attendant na nakita na wala ng buhay noong Enero 1 sa isang hotel sa Makati City matapos makilahok sa isang party.
Ngunit hindi inaasahan na hindi pa matatapos ang isyu dahil naghahanda na ngayon ang pamilya Dacera para sa reklamo nila laban sa mga kaibigan at suspek na huling nakasama ng flight attendant noong pagdiriwang ng bagong taon.
The post Ina ni Christine Dacera, hiniling na uniformed personnel ang magbuhat sa kabaong ng kanyang anak appeared first on Daily BNC NEWS.
Source: Daily BNC News
