Sumagot si Davao City Mayor Inday Sara Duterte sa mga pahayag ng kanyang ama na si Pangulong Rodrigo Duterte matapos sabihin na hindi pambabae na trabaho ang pagiging isang punong ehekutibo.
Matatandaan na ikinuwento ni Pangulong Duterte sa gitna ng kanyang speech sa pag bubukas ng Skyway Stage 3 na pinayuhan niya ang kanyang anak na h’wag ng tatakbo bilang susunod na pinuno ng bansa.
Ayon kay Pangulong Duterte ay marami ang sinusubukang kumbinsihin ang kanyang anak na sundan ang yapak ng kanyang ama ngunit iba diumano ang hirap ng pagiging presidente.
“I have told Inday not to run kasi naawa ako sa dadaanan niya na dinaanan ko rin. Hindi ito pambabae. Alam mo, the emotional set-up of a woman and a man is totally different. Maging g*g* ka dito. That is the sad story” ani Pangulong Duterte.
Kinumpirma naman ni Inday Sara na nagkita nga sila ng Pangulo at sinabi rin nito na wala siyang balak na tumakbo bilang Presidente sa 2022.
Ngunit sinabi niya na hindi naman nila pinag usapan kung totoo nga bang para lamang sa mga kalalakihan ang trabaho bilang maging lider ng bansa.
“I went to see him (PRRD) last Jan. 8. I told him I do not intend to run for President, he replied, very good. He also said he did not want me to run but nothing about gender was discussed,” ani Inday Sara.
Si Inday Sara ang nag numero uno sa presidential survey na isinagawa ng Pulse Asia.
Ngunit hinimok ni Inday Sara ang nasabing survey firm na tanggalin ang kanyang pangalan dahil hindi naman siya nagbabalak na tumakbo bilang Presidente.
The post Inday Sara, sumagot matapos sabihin ni Pangulong Duterte na hindi pambabae ang pagiging Presidente appeared first on Daily BNC NEWS.
Source: Daily BNC News
