Sumali sila Karen Davila at Agot Isidro sa mga kilalang babae sa Pilipinas na pumalag sa sinabi ni Pangulong Rodrigo Duterte na panglalakeng trabaho lamang ang pagiging Presidente.
Kahapon ay naglabas ng kontrobersiyal na pahayag ang Pangulo matapos nitong payuhan ang kanyang anak na si Davao City Mayor Inday Sara Duterte na huwag tumakbo bilang punong ehekutibo sa 2022.
Ayon kasi sa Pangulo ay baka hindi daw kayanin ng babae katulad ni Inday Sara ang stress ng pagiging pinuno ng bansa.
Women make great leaders. Yes, the Presidency or any other job for that matter, can be handled by a qualified woman. #empoweredwomen @UN_Women @unwomenasia
— Karen Davila (@iamkarendavila) January 14, 2021
“I have told Inday not to run kasi naawa ako sa dadaanan niya na dinaanan ko rin. Hindi ito pambabae. Alam mo, the emotional set-up of a woman and a man is totally different.” ani Duterte.
Ngunit ayon kay Karen ay may ilang babae na rin na naging kilala at magaling na lider ng kanilang mga nasasakupan.
“Women make great leaders. Yes, the Presidency or any other job for that matter, can be handled by a qualified woman. #empoweredwomen @UN_Women @unwomenasia,” ani Davila.
Samantala ay kahit si Agot Isidro naman ay ibinahagi ang isang article kung saan pinuri ang mga kilalang lider na babae sa iba’t ibang bansa na maganda ang naging performance sa pagpigil ng nakakahawang sakit sa kanilang nasassakupan.
Binanggit dito sila Angela Merkel ng Germany, Pangulo ng Taiwan na si Tsai Ing-wen, New Zealand Prime Minister Jacinda Ardern, Iceland Prime Minister KatrÃn Jakobsdóttir, Finland Prime Minister Sanna Marin, Norwegian Prime Minister Erna Solberg, at Prime Minister Mette Frederiksen ng Denmark.
Nagkaroon din ang Pilipinas ng dalawang babaeng Pangulo na sina Pangulong Cory Aquino at Gloria Macapagal-Arroyo.
The post Karen Davila, Agot Isidro, pumalag sa sinabi ni Pangulong Duterte tungkol sa mga kababaihan appeared first on Daily BNC NEWS.
Source: Daily BNC News
