Nagbabala si National Capital Region Police Office (NCRPO) chief PBGEN. Vicente Danao Jr. sa mga suspek sa likod ng nangyari sa flight attendant na si Christine Dacera na sumuko na kung wala silang tinatago.
Sa isang panayam, sinabi ni Danao na mas makabubuti sa mga suspek na sumuko na lamang at kung natatakot naman sila ay maari silang magdala ng abogado upang masigurado na mapo-proteksyonan ang kanilang karapatan.
“If you have nothing to hide, then siguro I would advise you to voluntarily surrender yourselves. Kung takot po kayong sumurrender, puwede po kayong magpasama sa mga abogado n’yo, puwede rin po kayong pumunta sa simbahan, samahan ng pari,” ani Danao.
“Kasi kung wala naman kayong kasalanan, eh bakit kayo magtatago?” dagdag niya pa.
Babala ni Danao, baka lalo pang mapasama ang mga suspek kung hihintayin pa nila ang warrant laban sa kanila.
“Eh baka manlaban kayo. Alam n’yo na saan kayo pupunta,” sabi ni Danao na naging dating hepe rin ng Davao City Police.
Naniniwala naman ang heneral na kailangan pang imbestigahan mabuti ang kaso ni Dacera.
“Hindi po natin masasabi. It could be possible na meron siyang na-take or it could be possible na merong pinainom sa kanya unwillingly or hindi niya alam,” saad ni Danao.
Hawak na ng pulisya ang ilang CCTV footage at pinag aaralan kung may makikita silang ebidensiya na maaring makapag resolba sa kaso.
Samantala ay pinuna rin ni Danao ang hotel na pinagtuluyan ni Dacera.
Ayon sa kanya ay dapat dalawa lamang ang magkasama sa isang kwarto.
Balak rin ng mga magulang ng biktima na magsampa ng kaso sa hotel dahil sa pagpayag nito na hayaan magkasama sa dalawang kwarto ang halos sampung katao.
The post NCRPO Chief Vicente Danao may babala sa mga suspek sa Christine Dacera case: “Baka manlaban kayo” appeared first on Daily BNC NEWS.
Source: Daily BNC News
