Tila nagsisisi ang dalawang Pinoy Big Brother (PBB) housemate dahil sa sinuportahan pa nila noon ang pagpapasara sa ABS-CBN.
Matatandaan na si Russu Laurente at Crismar Menchavez ay nakatanggap ng pambabatikos noon sa ilang Kapamilya fans dahil sa pagpasok nila sa bahay ni kuya kahit na kontra sila na magpatuloy ang operasyon ng ABS-CBN.
ABS-CBN ang network na may hawak sa franchise ng PBB sa Pilipinas kaya naman napataas ang kilay ng ilang fans matapos makapasok sa bahay ni kuya si Russu at Crismar na naki #YesToABSCBNShutdown.
Inamin naman nila ang kanilang ginawa sa loob ng bahay ni kuya.
Ayon kay Russu ay naimpluwensiyahan lamang siya ng mga kasamahan niya at kaibigan lalo na’t taga Mindanao siya.
Tila takot pa ngang banggitin ni Russu ang pangalan ni Pangulong Rodrigo Duterte na popular na popular parin hanggang ngayon sa Mindanao.
Kahit na naki #YesToABSCBNShutdown siya ay pangarap daw diumano ni Russu na maging artista ng Kapamilya Network.
“Nag Yes ako sa ABS-CBN shutdown kasi alam mo naman ang social media, napaka grabe mag influence diba. Lahat ng friends ko sa social media ay from Mindanao and alam nyo naman na pag from Mindanao susuportahan talaga si.. Alam mo na yun siya, yung nagpasara ng ABS.” ani Russu.
“Na realized ko yun, tapos nakita ko na yung pamilya ko di sila sumasali sa ganong issue about sa ABS-CBN tapos ako pa to na pangarap makapasok sa ABS tapos ako pa tong nagpadala,” dagdag niya pa.
Samantala ay todo pagsisisi naman si Crismar sa kanyang pagsuporta sa pagsasara ng ABS-CBN.
“I agreed to the shutdown and I’m ashamed of it. And I’m sorry po talaga Kuya. Even though for a short time, I have thought about it being #YesToShutDown. I may not have posted about it but I always felt guilty for thinking that,” saad ni Crismar.
Oktubre noong nakaraang taon ay binanatan ng talent manager na si Ogie Diaz ang ilang kabataan na pabor sa ABS-CBN shutdown pero sinusubukan na makasali sa PBB.
“Kung maraming sumali na nag-post ng ‘yes to shutdown,’ maaaring isa diyan, kunin ni Kuya. Kasi, sa loob ng Big Brother house, kailangan din ng isang ‘makapal ang mukha.” ani Ogie.
The post PBB Housemates Russu Laurente at Crismar Menchavez, pinagsisisihan ang pag suporta sa ABS-CBN shutdown appeared first on Daily BNC NEWS.
Source: Daily BNC News
