Plano ng aktres na si Lindsay De Vera na magsampa ng kaso laban sa nagpakalat na siya daw ay nabuntis ng aktor na si Dingdong Dantes.
Hindi naman naitago ni Lindsay ang pagkagulat dahil sa biglang pagkalat ng balita kahit na matagal na silang hindi nagkakaroon ng proyekto ni Dingdong.
Huling nagkasama si Dingdong at Lindsay sa Alyas Robin hood at Alyas Robin Hood 2.
“Nagulat po ako because it has been a very long time since last ko pong nakasama at nakatrabaho si Kuya Dong. And then, ngayon pumutok yung issue,” pahayag ni Lindsay sa panayam ng 24 Oras.
Mariing itinanggi ni Lindsay na totoo ang balita.
“Kung nabuntis po ako, dapat noong Victor Magtanggol pa lang, nakikita na nila na lumalaki yung tiyan ko or may napapansin na sila sa katawan ko na kakaiba.” ani Lindsay.
“But, I still did projects, I still did guestings all throughout the years. So, It’s not true. Hindi po totoo.” dagdag niya pa.
Hinamon naman ni Lindsay ang nagpakalat ng nasabing balita na patunayan na lamang sa korte ang kanilang akusasyon.
“Malakas po loob ko to tell them, to ask them to come forth with proof if they can. Patunayan po nila na nabuntis ako ni Kuya Dong.” saad ng aktres.
“Ang masasabi ko po kasi is, right now, I’m already talking to lawyers as well, we are talking to our lawyers. And we are speaking of possible charges that we can file to those who claim that to be true.”
Ay sana nga ipush ng family ni Lindsay eto para di na madalas gawin sa iba ni Andrew Olivar at mga kapwa niya dds Madalas na sila gumawa ng fake news #AndrewOlivar #DDSFakeNews pic.twitter.com/qjQcM7q6Pt
— shygirl (@itzme_ako) January 22, 2021
Hinihikayat niya ang mga nag akusa sa kanya na ipakita ang pruweba na may anak siya kay Dingdong.
“I encourage you, if you have the proof na nabuntis ako ni Kuya Dong, please come forth and we will meet each other in court.”
Matatandaan na unang kumalat ang nasabing balita sa Facebook hanggang sa umabot na ito sa Twitter.
Weh pic.twitter.com/Kq3A2FgDSY
— AltABSCBN (@AltABSCBN) January 21, 2021
Sumabay ang nasabing isyu sa isa pang haka haka tungkol sa pagbubuntis daw ni OWWA Deputy Administrator Mocha Uson.
The post Lindsay De Vera, magsasampa ng kaso laban sa nagpakalat na siya’t naanakan ni Dingdong Dantes appeared first on Daily BNC NEWS.
Source: Daily BNC News
