Hindi nagpakita ng respeto ang ilang grupo na nakasalubong ang mga sumali sa ‘Run Sara Run’ sa araw ng EDSA People Power Revolution 35th Anniversary.
Sa ilang litratong kumakalat sa internet ay tila hindi nagustuhan ng nasabing grupo ang pagdaan ng mga supporters ni Davao City Mayor Inday Sara Duterte.
Harap harapang binigyan ng ‘dirty finger’ ng mga nasabing grupo ang mga sasakyang may tarpaulin na nagpapakita ng suporta kay Inday Sara.
Hindi naman nakita kung gumanti ang mga supporters ni Inday Sara dahil makikita na nakataas lamang ang kamay nila.
Kumalat ang mga nasabing litrato sa social media at kahit ang ilang kilalang kritiko ng gobyerno katulad ni Jim Paredes ay hindi mapigilang magbigay ng reaksyon.
Ayon naman sa isang netizen na si Ricardo Ric Diaz ang litrato ang maaring palatandaan na hindi daw gusto ng taumbayan si Inday Sara para mamuno.
“Yan ba ang nangunguna sa survey, isinusuka ng taumbayan? Gising na ang bayan!” ani Diaz.
Matatandaan na may mga grupo na isinusulong ang pagtakbo ni Inday Sara, na siyang anak ng Presidente sa susunod na eleksyon upang sundan ang yapak ng kanyang ama.
Agaw pansin ang nasabing supporters drive dahil sa ilang sports car na nakisali sa nasabing pagtitipon.
Nagpa-picture pa ang ilang taga suporta ng Pangulo sa mismong monumento ng EDSA People Power.
Nanatiling popular si Inday Sara sa mga posibleng kalahok sa susunod na eleksyon.
Ngunit hanggang ngayon ay hindi parin payag si Inday Sara na tumakbo sa mas mataas na posisyon.
Kahit ang kanyang ama ay hindi gusto ang posibleng pagsunod ng kanyang anak sa yapak niya.
The post Run Sara Run caravan, sinalubong ng ‘dirty finger’ sa EDSA ng ilang grupo appeared first on Daily BNC NEWS.
Source: Daily BNC News
