Noong Pebrero pa lamang pala ay tila nagbigay na ng palatandaan ang ama ni Julia Barreto na si Dennis Padilla tungkol sa relasyon ng aktres kay Gerald Anderson.
Sa isang pahayag noon ni Dennis, makikita na tila nagbigay ito ng babala kay Gerald tungkol sa diumano’y relasyon nito sa kanyang anak.
Ayon sa kanya ay wala siyang magiging problema kay Gerald kung hindi niya naman lolokohin si Julia.
“Gerald kung mahal mo naman ‘yung daughter ko, alagaan mo na lang siya. Huwag mo lang sasaktan. Saka huwag mo lang lolokohin para mas masaya ang buhay,” saad ni Dennis.
“Kung saan masaya ang anak ko eh duon ako,” dagdag niya pa.
Hindi naman sinagot ni Dennis noon kung alam niya na nga ba talaga ang toong relasyon sa pagitan ng anak niya at ng aktor.
Nirerespeto naman daw niya ang pagiging pribado ng kanyang anak.
“Siguro she wants to be private lang din. Kung magu-open up siya, makikinig lang ako. Kung hindi man, antay lang ako kung kailan siya magsasabi sa akin. Siyempre, kailangan naman nating respetuhin din yung karapatan ng ating mga anak, siyempre personal naman nila yun eh,” sabi niya.
“She’s an adult. She’s already 23. So, I’m sure alam naman niya kung saan ang tama at mali. Sa akin lang, kung saan siya masaya eh dun ako susuporta. Basta nasa likod lang ako. I’m just a text away kung ano man ang problema,” dagdag niya pa.
Naging usap usapan si Julia at Gerald dahil sa kanilang pag amin na sila’y magkarelasyon na ilang taon matapos silang maungkat sa third party issue kasama si Bea Alonzo.
Noong 2014 ay naging isyu naman sa pagitan ni Julia at ni Dennis ang plano ng aktres na alisin ang sa kanyang pangalan ang apelido ng kanyang ama.
Hindi maitago noon ni Dennis ang lungkot sa plano ng kanyang anak, ngunit nitong 2016 ay nagbati na muli sila.
Ngunit sa isang panayam nitong nakaraang taon ay inamin niya na hindi sila masyadong nakakapag usap ng kanyang anak.
The post Ama ni Julia Barreto na si Dennis Padilla, may babala kay Gerald Anderson: “Wag mong lolokohin ang anak ko” appeared first on Daily BNC NEWS.
Source: Daily BNC News
