Sikat na sikat ngayon sa social media ang alitan sa pagitan ni MMDA traffic czar Edison Bong Nebrija at retiradong pulis at vlogger na si Bonifacio Bosita.
Matatandaan na binanatan ni Nebrija si Bosita dahil sa sinabihan nito ang isang enforcer na bayaran ang isang araw na sweldo ng hinuli niya na motorista dahil hindi nakasoot ng sapatos ang kanyang backride.
Sa nasabing video ay sinita ni Bosita ang isang MMDA enforcer na nakatalaga sa kahabaan ng EDSA dahil sa pagbibigay nito ng ticket sa isang motorcycle rider dahil ang kanyang backride ay hindi nakasoot ng sapatos.
Dahil dito ay binanatan ni Nebrija si Bosita at nangakong magsasampa ng reklamo kung uulitin muli ng retiradong pulis ang kanyang ginawa sa mga enforcer ng MMDA.
Sa kanyang social media post ay sinabi ni Bosita na kailangang basahin ng mga riders ang batas para malaman nila na hindi naman bawal ang naka tsinelas na angkas sa motor.
Ipinakita pa nito ang Section XI, Provision (e) of LTO Administrative Order AHS-2008- 015 at sinabi na tanging ang nagmamaneho lamang ng motor ang bawal na hindi nakasoot ng sapatos.
“Sa mga kapatid nating Riders na naniniwala na bawal din sa angkas ang “naka-tsinelas,” makakabuti na magbasa kayo ng ligal na basehan o kaya naman- magtanong kayo sa abogado o sa mga kasama ninyo,” ani Bosita.
“Totoo naman na mas ligtas at maayos ang pagsakay sa motorsiklo kung naksapatos tayo, PERO HINDI ITO MAARING IPILIT o ipatupad sa mga angkas dahil rider/driver (nagmamaneho) lamang ang inoobliga ng Batas na magsapatos habang nakasakay sa motorsiklo,” dagdag niya pa.
“Kahit na maganda ang intensyon ng iba na pumapabor na ipatupad sa mga angkas (backriders) ang pagsusuot ng sapatos, hindi ito pwedeng ipatupad dahil walang Batas o Ordinansa na nagu-utos,” dagdag niya pa.
Pumalag naman si Nebrija at ibinahagi ang isang artikulo mula sa Motorcycle Rights Organization kung saan ay ipinapaliwanag na dapat ay nakasoot din ng sapatos ang angkas ng rider.
“Kaya pag dating sa usapin na kasama ba ang back rider sa requirement na naka sapatos, OO… Dahil kung gagamitin natin ang lohika na HINDI kasama ang BACK RIDER sa usapin dahil walang naka sulat na BACK RIDER, wala din naman sa parte ng memo na nakasaad na RIDER… Pero, dahil nakasaad na “WHILE OPERATING MOTORCYCLE” without indication of the RIDER or BACK RIDER, anyone who operates (as explained sa itaas) a motorcycle must not wear slippers of flip-flops SHALL APPLY to both rider and back rider of a motorcycle… LAWYERS AND LEGAL EXPERTS CALL THIS THE PRESUMPTION OF REGULARITY…” ani Yob JB Bolanos ng Motorcycle Rights Organization.
“Sa madaling salita, ayon sa nakalagay na , “while operating motorcycle” at hindi naka indicate kung ang RIDER o BACK RIDER o pareho sa Section XI letter e ay automatic na exemption to the rule ito… It is already a given na pareho ang tintutukoy dahil the same goes for the helmet na sa parehong RIDER at BACK RIDER ito required…” dagdag niya pa.
Ayon kay Bolanos ay kinausap niya ang ilang eksperto bago niya inilabas ang kanyang artikulo.
Hamon din ni Bolanes sa mga netizens na magpasa sila ng position paper kung gusto nilang kwestiyunin ang kanilang mga patakaran.
“If you STILL want to present your own legal argument on it, we suggest you send LTO a position paper to bring it back to the table if you want… We have long settled this argument with LTO… 13 years ago to be exact… We stand by the age-old conclusion that if a rider is required to wear shoes, then so does the back rider,” sabi niya pa.
Hindi pa nagbibigay ng pahayag si Bosita na kagagaling lang mula sa Bicol.
The post Col. Bonifacio Bosita, ipinaliwanag kung bakit sinita niya ang MMDA enforcer ni Edison Bong Nebrija appeared first on Daily BNC NEWS.
Source: Daily BNC News
