Mariing itinanggi ni Mark Anthony Fernandez na naging adik sa sa pinagbabawal na gamot.
Sa panayam sa kanya ng pep.ph, hindi niya maatim basahin ang ilan sa mga komento sa kanya sa social media na inaakusahan siya na isa siyang adik kahit hindi naman daw ito totoo.
Paglilinaw niya, ang nangyari daw noong 2016 kung saan ay nahulihan siya ng isang kilong Mary Jane ay hindi nangangahulugang isa siyang adik.
“Ginagawa nilang joke na adik ako. Akala yata nila adik ako, e, never naman akong naging adik. Yung akin, juvenile case, tapos family problems and experimental,” ani Fernandez.
Experimental lang din daw ang nangyari sa kanya noong 1999 kung saan ay inilagay siya sa isang rehabilitation center.
Ayon sa kanya ay mga problema niya sa buhay ang dahilan kung bakit siya sumubok ng mga ganitong bagay.
“Matagal na akong nagbagong-buhay. Meron kaming hindi pagkakasunduan ng papa ko, pero nagmamahalan kami, ganoon din ang mama ko. Yun ang gusto kong linawin. Hindi talaga ako naging adik.” giit niya.
Umaasa si Fernandez na sana’y maintindihan ng publiko ang kanyang punto.
Nitong 2016 ay sinabi niya na para daw sa kanyang kalusugan kaya’t gumagamit siya ng nasabing damo.
Makalipas ng isang taon ay pinalaya ng korte si Fernandez.
The post Mark Anthony Fernandez, itinanggi na siya ay naging ‘adik’: “Ginagawa nilang joke adik ako” appeared first on Daily BNC NEWS.
Source: Daily BNC News
