Umabot na sa ilang opisyal ng gobyerno ang viral na video kung saan ay ipinagdidiinan ng isang barangay official na hindi kasali sa mga essential goods ang pagkaing ‘lugaw’ na dala dala ng isang food delivery rider.
Isa sa mga opisyal na nagbigay ng reaksyon tungkol sa isyu ay si Metropolitan Manila Development Authority (MMDA) Asec. Celine Pialago na sinabi na nakakaawa ang nasabing rider na hinuli ng isang opisyal na hindi pa pinapangalanan sa ngayon.
Ayon kay Pialago ay katuwang ng mga tao ngayon ang mga food delivery rider katulad ni Marvin Ignacio na siyang uploader ng nasabing video.
“Tatlong sunod na araw pa naman ako nag lugaw pero nakapag deliver naman sila Lugaw Republic, Goto Pilipinas, Three J Lugawan at Via Mare through GRAB. Allowed ang 24/7 operations para sa mga deliveries lalo na sa pagkain. Essential ba ang lugaw? OO KASI PAGKAIN YUN! #pambihira,” ani Pialago.
“Kawawa naman ung grab rider dun sa viral na “LUGAW” halos sila na nga ang katuwang natin sa ngayon, dahil sa kanila nagagawa ng iba pagpapapirma ng dokumento ng hindi na lalabas ng bahay, pag order ng pagkain, pag deliver ng mga gamit, pagpapadala ng mga kailangan ipadala ng less hassle. Dahil dyan, magpapa grab ako ulit bukas ng breakfast, lunch at dinner! Then may ibibigay akong surprise.” dagdag niya pa.
Sa nasabing live video, makikita ang pagtatalo sa pagitan ng rider at ng ilang opisyal ng barangay ng Muzon, San Jose Del Monte, Bulacan.
Naka agaw ng pansin ang babaeng opisyal na ipinapaliwanag pa na hindi daw essential o kinakailangan sa buhay ng tao ang lugaw na isa sa mga pinakamurang pagkain sa bansa.
“Para sa private establishments, essential goods and services. Essential po ba si lugaw? Hindi kasi mabubuhay ang tao ng walang lugaw. Ang essential, tubig, gatas, groceries,” sabi ng opisyal.
Ipinaglaban naman ng rider ang kanyang paniniwala at sinabi na “pagkain” ang lugaw.
Pero sagot naman ng opisyal, “Hindi nga. Eh ‘di sana lahat ng pagkain bukas. Eto si pulis, palilinawagan kayo ni pulis. Okay? Naiintidihan po? Naiintindihan. Tapos, may nakasulat din tayo dito, Sir, na ang pupuwede lang ay provision of foods and essential. Hindi essential si lugaw. Sana bukas si bakery. Naintindihan?”
Umabot narin ang nasabing isyu sa Malacanang kung saan ay sinabi din ng Presidential Spokesperson na ‘essential’ ang mga pagkain katulad ng lugaw.
Kahit ang mismong pinagta-trabahuhan ng nasabing rider at sinabi na mali ang ipinagpipilitan ng barangay official.
The post MMDA Asec. Pialago, may reaksyon matapos sabihin ng isang barangay official na non-essential ang ‘lugaw’: “Kawawa naman yung rider” appeared first on Daily BNC NEWS.
Source: Daily BNC News
