Malungkot na ibinalita ng sikat na rapper na si Billy Jack Sanchez na ang ipinagmamalaki niyang motor na ginagamit niya para makapunta sa lugar ng kanyang mga tinutulungan ay sadya diumanong sinunog ng mga hindi pa nakikilalang salarin.
Sa kanyang latest vlog, ikinuwento ni Billy Jack na kahit siya ay hindi alam kung sino ang sumunog sa kanyang motor dahil wala naman siyang kaaway na mga tao kundi sa social media lamang.
Ayon sa kanya ay binuhusan pa daw ng gasolina ang kanyang motor para sadya itong masunog.
Hindi niya malaman kung bakit may mga taong nangagalaiti sa kanya kahit na pinipilit niya na magbago.
“Bakit kayo maiingit sa taong nagbabago? Bakit parang gustong gusto niyo masasamang tao yung dating katulad niyo ay hinahatak niyo pababa, ganoon ba talaga kayo kainggit sa mga dating salbahe na kayang magbago? Bakit hindi nalang kayo magbago?” tanong ni Billy Jack sa mga sumunog ng kanyang motor.
Nangako parin siya na kahit nasunog ang kanyang motor ay susubukan niya paring tumulong sa mga taong nasa malalayong lugar.
Dito na ipinakita ni Billy Jack ang actual video habang nasusunog ang kanyang motorsiklo.
Makikita na habang nasusunog ang kanyang motor ay nadamay pati ang mga kable ng kuryente na nasa taas nito.
Agad namang naapula ng mga kapitbahay ni Billy Jack ang apoy ngunit tila hindi na masasagip ang kanyang motor.
Wala ng nagawa si Billy Jack kundi sabihan nalang ang mga netizens na wala na ang kanyang motor.
Ipinaalam na ni Billy Jack sa mga kinauukulan ang pangyayari.
Sa ngayon ay wala pang balita kung sino nga ba ang nasa likod ng pagsunog ng motor ng vlogger na sumikat dahil sa kanyang kakaibang paraan ng pakikipag usap.
Matatandaan na noong Enero ay sumikat si Billy Jack dahil sa pakikipag away nito sa isang enforcer na humili sa kanya.
Nakita rin ng mga netizens ang dati niyang video kung saan ay nahuli siya ng mga otoridad sa Kalinga na may dala dalang pinagbabawal na damo.
Ngunit depensa niya ay pinipilit niya ng magbago at sinusubukan niya naman itong patunayan sa kanyang mga vlogs.
The post Motor ng sikat na vlogger na si Billy Jack Sanchez, sinunog ng mga hindi pa nakikilalang salarin appeared first on Daily BNC NEWS.
Source: Daily BNC News
