Maaring maharap sa panibagong problema ang artista na si Mark Anthony Fernandez matapos niyang aminin na siya ay nakatanggap na ng bakuna kontra C0VID-19 kahit na hindi naman siya healthcare worker.
Sa isang panayam ng pep.ph, ipinagmalaki ni Fernandez na natanggap niya ang bakuna sa Parañaque City nitong Marso 22 kahit na hindi naman siya kasama sa priority list ng gobyerno.
“Nagpaturok ako kahapon at wala siyang side effect sa akin. Lumakas pa ako. Galing sa UK yung vaccine. Yung ibang side effect, either lagnatin ka nang konti o mahilo. Ako, walang ganoon. Medyo lumakas pa ako.” kwento ni Mark Anthony.
Kalaunan ay nalaman na ang bakuna mula as AztraZeneca ang ibinigay kay Mark Anthony na para sana sa mga healthcare workers at senior citizen.
Hindi natuwa ang Department of Interior and Local Government (DILG) sa ginawa ng pamunuan ng Parañaque.
“Kaninang umaga medyo napipikon nga ako dahil dito sa Parañaque may artista na binakunahan, ‘yung Mark Anthony Fernandez,” ani DILG Undersecretary Epimaco Densing III.
Depensa naman ng alklade ng Parañaque na si Mayor Edwin Olivarez ay kasama daw sa listahan ng priority si Mark Anthony.
Ayon sa alkalde ay tapos na daw kasi nilang bakunahan ang mga healthcare workers kaya naman sinunod na nila ang mga senior citizen at persons with comorbidities.
Kasama daw si Mark Anthony sa persons with comorbidities dahil daw sa mga karamdaman nito katulad ng hypertension.
Nakarating na ang nasabing insidente kay Pangulong Rodrigo Duterte ay inutusan niya na ang Department of Health (DOH) para imbestigahan ang aktor.
“I remember very well, admonishing everybody that the priority sa pagbigay ng bakuna ay ito ang masusunod. Wala pa ang COVAX. Ang akin lang, sabi ko, ‘yung mga vulnerable, walang trabaho, ‘yung mga may sakit at baka maagapan. So I made a list,” sabi ng Pangulo.
“Hindi nasunod kasi ang balita ko, naibigay sa mga anak ng mga artista, at iba pa. The favored few always,” dagdag niya pa.
Paliwanag ng Pangulo, dapat ay masunod ang listahan ng priority para sa bakuna dahil baka alisin ng World Health Organization (WHO) ang kanilang assistance sa gobyerno kung hindi nila ito ipapatupad ng maayos.
“The country representative of WHO [World Health Organization] already told us: ‘If you do not follow the list of priority, you might lose the assistance of the WHO,” saad ni Duterte.
Hindi pa nagbibigay ng pahayag si Mark Anthony sa panibagong isyu na kinakaharap niya.
The post Pagpapabakuna ni Mark Anthony Fernandez kahit na hindi siya health care worker, nakarating na kay Pangulong Duterte appeared first on Daily BNC NEWS.
Source: Daily BNC News
