Ipinagtanggol ni Senador Francis “Kiko” Pangilinan si Vice President Leni Robredo mula sa mga tirada ni Pangulong Rodrigo Duterte.
Noong Lunes ay naging maanghang ang mga naging pahayag ng Pangulo laban kay Robredo at sinabi na pinipilit lamang ng Vice President na mapansin ng publiko.
Pinuna kasi ni Robredo ang mga aksyon ng gobyerno at pati narin ang hindi pagpapabakuna ni Pangulong Duterte.
“Ikaw, sige ka ng salita diyan. Wala ka namang ginagawa. Sige ka issue-issue ng statement. You know [why]? Because you want to be relevant here. Gusto mo sumali sa laro na para pakinggan ka rin,” ani Duterte.
“Kung marunong kang makinig, walang bakuna ngayon available either hingin mo o nakawin o bayaran mo, not only the Philippines,” dagdag niya pa.
Ngunit hindi naniniwala si Pangilinan na walang ginagawa si Robredo at ipinagmalaki pa nga nito na ito daw ay nagpapakahirap para masolusyunan ang kumakalat na sakit sa bansa.
“C0vid ang problema hindi si VP Leni. Sya nga ang walang pagod sa kakatulong at paghanap ng solusyon sa pesteng Covid. Tularan nalang kaya si VP, tutukan ang C0vid ng hindi tayo kulelat sa buong Asia. Eye on the ball. Ang letrang V na dapat tinututukan ay ang Virus, hindi ang VP,” ani Pangilinan.
Hindi pa nagbibigay ng pahayag ang Malacanang sa bagong banat sa kanila ni Pangilinan na siya ring Presidente ng Liberal Party of the Philippines.
The post Sen. Pangilinan kay Pangulong Duterte: “Si VP Leni, simulat simulat walang pagod sa kakatulong at kakahanap ng solusyon” appeared first on Daily BNC NEWS.
Source: Daily BNC News
