Sikat na sikat ngayon sa social media ang mga relief goods na ipinamahagi ng LGU ng Gapan, Nueva Ecija sa kanilang mga residente.
Sa kanyang social media page, ipinakita ng alkalde ng Gapan na si Emeng Pascual ang mga ayuda na kanilang ipinamigay doon.
Humanga ang mga netizens sa ipinamahagi ng nasabing LGU dahil sa hindi lang delata ang ipinamigay, kundi mayroon ding prutas, gatas at face shield.
Makikita na ang ilan pa sa mga delata ay maikokonsiderang mamahalin.
Kasama din sa ayuda ang isang kabang bigas para sa kada pamilya ng Gapan.
Hindi naman napigilan ng ilang netizens na ipakita ang kanilang paghanga sa alkalde.
“Wow nman mayor sulit k po tlaga Kung magbigay lipat nlng kmi dyn mayor npkabuti mo mayor emeng pascual,” ani Rallab Enajyram.
“Iyan ang public servant.. saludo po kami sayo. Sana ganito lahat ang gawin ng mayor ng ibat ibang municipality.. hindi yong pakitang gilas ba na wala sa gawa,” sabi ni Skyler Codod.
Naging kilala si Pascual dahil sa kanyang mga ginawang aksyon sa gitna ng pandemya.
Noong nakaraang taon ay namigay pa ito ng manok sa kanyang nasasakupan.
Ibinahagi niya rin ang kanyang sariling sweldo upang matustusan ang pangangailangan ng mga residente ng Gapan.
The post Sana all! Mga residente ng Gapan, Nueva Ecija kinainggitan matapos makatanggap ng sangkaterbang relief goods appeared first on Daily BNC NEWS.
Source: Daily BNC News
