Nangagalaiti ang ilang netizens sa social media matapos kumalat ang diumano’y pag aalok ng ilang indibidwal sa mga slot ng bakuna sa siyudad ng Mandaluyong at San Juan.
Sa Twitter, nag viral ang tweet nila @theninaellaine at @normanrabaya kung saan ay nakikipag usap sila sa diumano’y mga nag aalok ng slot ng bakuna.
Sa post ni Nina, makikita ang pag aalok ng bakunang Sinovac sa halagang 8,000 habang ang ibang brand naman ay aabot sa 10,000 hanggang 12,000 pesos.
Pagmamalaki pa ng nag aalok ay may koneksyon daw sila sa LGU ng San Juan at Mandaluyong.
Hindi naman makapaniwala si Nina na pati ang bakuna ay hindi pinapalampas ng mga taong gustong kumita.
Ganito din ang naging karanasan ni Norman kung saan ay inalok naman siya ng bakunang Pfizer at Astrazeneca sa halagang 12,500 hanggang 15,500.
“It’s free naman talaga pero if nagmamadali ka to have one then you have to pay for it,” sabi ng nag aalok kay Norman.
Mandaluyong LGU. This was really insulting to me as a taxpayer and a businessman. May kita sila 12k~15k per vaccine pero taxes natin ang pinuhunan. These vaccines should go to people who need them the most. pic.twitter.com/5FEUqGwn1o
— Norman Rabaýa (@NormanRabaya) May 21, 2021
Umabot ng libo libong retweets at reactions ang mga nasabing post nila Norman at Nina.
Agad namang pinasinungalingan ng mga namumuno ng Mandaluyong at San Juan ang mga akusasyon na ibinebenta nila ang bakuna sa social media.
Sa pahayag ng alkalde ng Mandaluyong na si Menchi Abalos ay inutusan niya na ang kanyang mga tauhan na imbestigahan ang nasabing bentahan ng bakuna sa kanyang nasasakupan.
Hindi diumano siya papayag na hindi mananagot ang mga nag aalok ng bakuna for sale.
“An investigation is already underway. Through the NBI, we will know if these are real or dummy online accounts. But whether real or fake, they will be answerable to the law.” saad ng alkalde.
Samantala ay tinawag namang “scam” ng alkalde ng San Juan na si Francis Zamora ang ginagawang pagbebenta ng bakuna sa kanyang nasasakupan.
“Whoever is claiming to have a contact within the San Juan City local government unit selling our vaccine slots is propagating a scam which members of the San Juan City (LGU) Vaccination Team is not part of,” giit niya.
“This is a scam to defraud people of money for something that the government is offering for free to its citizens,” dagdag niya pa.
Hindi pa nagbibigay ng pahayag ang Malacanang tungkol dito.
The post Bakuna mula daw sa Mandaluyong at San Juan LGU, ibinebenta daw sa halagang 8,000-15,000 pesos appeared first on Daily BNC NEWS.
Source: Daily BNC News
