Gustong bigyan ng leksyon ng mamamahayag na si Raffy Tulfo ang mga kaibigan ng vlogger na si Tim Sawyer na hindi diumano nagpapakita ng respeto sa korte.
Sa episode ng Wanted sa Radyo nitong May 28, ikinuwento ni Atty. Garreth Tungol ang diumano’y kawalang respeto na ginawa ng mga kasama ni Tim sa unang hearing ng kaso na isinampa sa kanya ng dati niyang partner na si China Roces.
Kwento ng abogado, sumasayaw pa daw ang mga tropa ni Tim sa harap ng korte.
“Sumasayaw sayaw pa itong mga ito sir Raffy, parang minamaliit nila ‘yung procedure, they have that kind of attitude,” ani Atty. Tungol.
Dito na tila nairita si idol Raffy matapos marinig ang kwento ng abogado.
Kapag nalaman daw nila ang pagkatao ng mga tropa ni Tim ay maari din nila itong sampahan ng kaso.
May hamon din si Raffy kay Tim Sawyer at sa kanyang mga alipores.
“Sige nga kung matapang ka sumayaw ka sa harap ng judge at dalhin mo yang tropa mo kung matapang ka,” ani Raffy.
Hinimok din ni Raffy si China na wag iatras ang kaso.
“Wag niyong i-atras ang kaso kahit lumuhod at humalik halik tong tukmol na to,” payo ng mamamahayag.
Ayon kay Atty. Tungol ay nakapag piyansa na si Tim para sa kanyang pansamantalang kalayaan.
“Lahat ng ginawa niya sakin, panloloko, pagsisinungaling, pananakit hanggang ngayon hindi parin siya tumitigil, sa BIGO sinisiraan niya ako,” ani China.
Matatandaan na nagkabalikan si China at Tim sa tulong ni Raffy Tulfo noong nakaraang taon.
Ngunit sa kwento ngayon ni China ay tila lumala pa daw lalo ang ugali ni Tim simula ng mag sama sila muli.
Nananakit din daw si Tim sa panahong nagkabalikan sila ni China.
At nito ngang Enero 2021 ay nahuli ni China si Tim na may kasamang ibang babae.
Paliwanag naman ng kampo ni Tim, hindi naman daw kasal ang vlogger at si China kaya may karapatan itong magdala ng kahit sinong babae sa kanyang bahay.
The post Raffy Tulfo, gustong maparusahan ang mga tropa ni Tim Sawyer na hindi nagpakita ng respeto sa korte appeared first on Daily BNC NEWS.
Source: Daily BNC News
