Pinag uusapan ngayon sa social media ang mga pahayag ni “First Yaya” star Sanya Lopez tungkol sa kanyang katambal na si Gabby Concepcion.
Sa isang vlog kasama si Cassy Legaspi ay nakisakay sila sa Jojowain o Totropahin challenge kung saan ay ipinakita kay Sanya ang ilan sa mga kilalang aktor sa industriya.
Ilan sa mga aktor na binanggit ay si Alden Richards na sinabi niyang ‘jojowain’ niya dahil sa sobrang mabait ito.
Kinilig ang madaming netizens ng tanungin na siya kung jojowain niya ba o totropahin ang katambal niya na si Gabby na 32 taon ang agwat sa kanya.
View this post on Instagram
Ayon kay Sanya ay inakala niya na napaka seryosong tao ng isang Gabby.
“Nakilala ko siya parang formal, ‘yun ang first impression ko sa kanya, sobrang formal niya, napaka seryosong aktor,” kwento ni Sanya.
Ngunit habang tumatagal ay nalaman niya na napakabait at professional pala ng kanyang katambal.
“Kaya naman jojowain,” sagot ni Sanya.
Hindi pa nagbibigay ng tugon si Gabby tungkol sa sinabi ni Sanya.
Tuwang tuwa naman ang mga fans ni Sanya sa kanyang sagot tungkol kay Gabby.
“Hahhaha yes go sanya jowahin mo c gabby bagay nman kayo.” ani Sara Molloy.
“Mukha naman talagang kilig na kilig to si sanya kay gabby, kung pwede nya lang jowain si gabby matagal na nya sigurong jowa yon, kaso may asawa na si gabby.Sorry na lang sanya.” sabi naman ni Zeny.
May ilan din naman na humiling na sana’y makatambal din ni Sanya si Alden dahil bagay din daw silang dalawa.
The post Sanya Lopez, inamin na gustong maging jowa si Gabby Concepcion na 32 taon ang agwat sa kanya appeared first on Daily BNC NEWS.
Source: Daily BNC News
