Pinaghahahanap na ngayon ng mga otoridad ang vlogger na si Tim Sawyer matapos itong sampahan ng reklamo ng dati niyang partner na si China Roces.
Ayon sa ilang ulat, pinunatahan ng mga miyembro ng National Bureau of Investigation si Tim sa kanyang bahay sa Trece Martires, Cavite upang i-presenta sa kanya ang warrant laban sa kanya.
Ngunit hindi makita si Tim sa kanyang tahanan kaya naman inumpisahan na ng NBI ang paghahanap sa nasabing vlogger.
Kasama ng NBI si Atty. Garreth Tungol na kilala bilang parte ng Raffy Tulfo in Action at Atty. Joren Lex Tan.
Hindi pa nagbibigay ng pahayag ang kampo ni Tim tungkol sa posible niyang pagkakakulong.
Noong nakaraang taon ay sumikat si Tim at China dahil sa pag aaway nila habang naka live stream sa Facebook.
Nag umpisa ang away sa pagitan nila ng itago diumano ni Tim ang kanyang kinikita sa social media sa dati niyang partner na umaabot daw ng milyong piso.
Umabot ang kaso nila sa Raffy Tulfo in Action kung saan ay hiniling ni China na dapat ay hati sila ni Tim sa kinikita sa vlog.
Naging maganda naman ang ending ng nasabing pag uusap nila at nagpalitan pa nga ito ng “I love you” sa isa’t isa.
Ngunit nitong Enero ay nagkaroon muli ng isyu ang dalawa matapos kumalat ang isang video kung saan ay makikita si China habang sinusugod ang isang babae sa kwarto ni Tim.
Depensa naman ng kampo ni Tim, hindi naman ito kasal kay China kaya’t maari itong makipag relasyon kahit kanino.
The post Tim Sawyer, pinaghahahanap na ngayon ng NBI dahil sa kasong isinampa laban sa kanya ni China Roces appeared first on Daily BNC NEWS.
Source: Daily BNC News
