Tinulungan ng Public Attorney’s Office sa pangunguna ni Atty. Persida Rueda-Acosta ang ama ng batang magsasaka na si Reymark Mariano.
Matatandaan na nahaharap sa kaso ang ama ni Reymark na si Rene Boy Mariano na naging dahilan kung bakit ito umalis sa piling ng kanyang anak.
Sa ngayon ay pansamantalang nakalaya ang kanyang ama dahil nakapag piyansa ito.
Sa isang online discussion, inihayag ni Acosta ang kanyang paghanga kay Reymark kaya naman hindi sila nagdalawang issip na tulungan ito sa kanilang problemang legal.
“Lahat kami pinahahanga mo. Maraming kabataan ikaw ngayon ang kanilang itinuturing na bayani dahil sa kamurahan ng edad mo biro mo nag aararo ka, gamit mo kabayo,” ani Acosta.
“Nandito kami, tutulong sa’yo. Marami pong tutulong sa inyo para makaalis kayo sa kahirapan,” dagdag niya pa.
Dahil sa angking talino ni Reymark, naniniwala si Acosta na maaring maging isang public servant pa ang batang magsasaka pagdating ng panahon.
Dasal din ni Acosta na ang lahat ng bata ay maging katulad ng metalidad ni Reymark na imbis na gumawa ng masama ay nagsisikap upang makaraos araw araw.
Nangako din ang PAO na tutulungan hindi lang si Reymark kundi pati narin ang ibang mga bata na nangangailangan ng legal assistance.
Nagpadala din si Acosta ng financial assistance kay Reymark.
Todo pasasalamat naman ang batang magsasaka sa tulong na kanyang natanggap at umaasa siya na hindi lang siya ang matutulungan ng mga tao.
The post Atty. Acosta ng PAO, nagbigay ng tulong legal sa batang magsasaka na si Raymark Mariano para makalaya ang ama nito appeared first on Daily BNC NEWS.
Source: Daily BNC News
