Hindi naitago ng mga netizens ang kanilang tuwa dahil makalipas ng ilang taon ay nakita na muli ng batang magsasaka na si Reymark Mariano ang kanyang ama na si Rene Boy Mariano.
Sa mga komento ay makikita na tila positibo ang naging reaksyon ng mga netizens sa pagkikita ni Reymark at ng kanyang ama.
Sa tulong ng magazine show na Kapuso Mo, Jessica Soho ay natuldukan na ang dalawang taon na pangungulila ni Reymark sa kanyang ama na siyang nagturo dito kung paano mag araro.
Sa nasabing episode, nagsalita sa unang pagkakataon si Rene Boy kung bakit siya nawala ng ilang taon.
Paliwanag niya ay nagtago siya dahil sa kasong kinakaharap niya.
“Wala naman tutulong sakin kaya umiwas na lang ako, nagtago nalang ako,” kwento ni Rene Boy.
Ang akala din niya ay nag aaral si Reymark kaya naman ng mapanood niya ang ginagawang pag aararo ng kanyang anak ay nag desisyon na itong sumuko sa mga otoridad.
“Nasaktan talaga ako nung nakita ko siya na nag aararo, ayaw ko naman talaga na magkaganon siya… ang sabi ko sa kanya noon, aral lang talaga,” ani Rene Boy.
“Gusto kong humingi ng sorry kay banban (Reymark) kasi napabayaan ko sila,” dagdag niya pa.
Itinanggi niya din na bumalik siya dahil sa sumikat na ang kanyang anak at inuulan na ito ng tulong mula sa mga netizens.
Inamin niya din na gumagamit siya noon ng ipinagbabawal na gamot ngunit matagal na siyang nagbago.
Matapos nito ay sumuko na si Rene Boy at sa kabutihang palad ay nakapagpiyansa ito para sa kanyang pansalamantalang kalayaan.
Naging puno naman ng emosyon ang naging pagkikita nila Rene Boy at Reymark.
Punong puno ng pasasalamat si Rene Boy sa mga taong tumulong sa kanila.
“Palagi ko silang pinagdarasal kaya nagpapasalamat ako sa Panginoon na hindi niya ako pinabayaan,” saad ni Reymark.
Nagpasalamat din si Rene Boy sa kanyang ama na siyang nag alaga kay Reymark habang siya ay wala.
The post Netizens natuwa sa pagkikita ng batang magsasaka na si Reymart Mariano at kanyang ama na sumuko na sa mga otoridad appeared first on Daily BNC NEWS.
Source: Daily BNC News
