Bilog ang mundo kaya maaaring bukas o sa makalawa ay nasa ilalim o nasa ibabaw ka pa kaya piliin mo ang magpakumbaba upang mabigyan ng pagpapala.
Bata pa lamang ay mag kaibigan na sila Bodji at Eboy na kung saan sabay silang nakikinood ng paboritong palabas sa kanilang kalapit bahay na si Aling Gloria.
“Oh, Bodji! Kanina pa kita hinihintay. Malapit na mag simula yung paborito nating palabas!” saad ni Eboy.
“Pasensya na. akala ko nga nahuli na ako eh!” sagot ni Bodji habang hinahabol pa ang hininga mula sa pagkaripas na pag takbo.
Sabay silang pumunta sa may bintana ni Aling Gloria upang makapanood.
Sa sobrang saya ng dalawa ay hindi na nila mapigilang humalakhak sa tawa kaya naman pinag sarhan sila ng bintana ni Aling Gloria.
“Mga bwiset na bata! Wala nang ibang ginawa kung hindi makinood dito!” sigaw ni Aling Gloria sa kanila.
Nakakainis naman si Aling Gloria. Pinag saraduhan nanaman tayo ng bintana. Nakikinood lang naman eh. Palagi na lang niyang ginagawa yan hindi na natin natapos tapos yung palabas” nakasibangot na sambit ni Eboy.
“Hayaan mo na baka mainit lang talaga ulo ni Aling Gloria kaya niya ginawa ‘yon” sagot naman ni Bodji.
Noon naman daw ay hindi naman ganoon ang ugali ni Aling Gloria ngunit simula nang makapag trabaho ang kaniyang panganay na anak sa Maynila at nakabili ng colored na TV ay kala mo sino nang umasta.
Sa kabilang banda, inisip naman ng mga bata na may karapatan itong mag mataas dahil si Aling Gloria lamang ang nakaangat sa kanilang lugar.
Kinabukasan ay sabik nanaman ang magkaibigan na pumunta sa may bintana ni Aling Gloria upang makapanood ng palabas ngunit ganoon pa din ang ginawa ni Aling Gloria. Tahimik na nanonood sila Eboy at Bodji hanggang sa sila ay nahuli ni Aling Gloria.
Muli, pinag dabugan sila ng bintana nito.
“Ano ba yan! Pinag sarhan nanaman tayo” inis ni Eboy.
“Hayaan mo, balang araw hindi na tayo makikinood ng TV sa kaniya” pangungumbinsi ni Bodji.
Labing walong taon na ang nakalilipas nang biglaang may nabalita sa kanilang lugar na tinupok ng apoy ang buong bahay at ni isang gamit ay walang natira. Iyon pala ay ang bahay ni Aling Gloria. Hindi nag dalawang isip tumulong ang nanay ni Bodji na si Aling Elenita.
At dahil walang natira sa gamit at naipundar ni Aling Gloria, napilitan siyang ibenta ang kanyang lupa. Walang may gustong bumili kaya’t napilitan siyang i-loan ito sa bangko hanggang sa hindi na mabayaran at makuha na ng bangko.
Makalipas ang ilang taon, may biglang grupo ng mga contractors ang nagsimulang magpatayo ng bahay sa dating lupa ni Aling Gloria. Matapos ang ilang buwan na paggawa ay natapos ang bahay at napapaisip ang lahat kung sino ang may-ari ng bahay. Isang araw, dumating ang may-ari, pagbaba nito sa sasakyan, si Bodji pala.
Napakalaki na ng pinag bago nito.
“Ah, ito yung pinag hirapang buoin ni Bodji. Siya yung batang panay nakikinood sa inyo kasama niya si Eboy. Pareho na silang nasa Maynila ngayon.
Si Bodji ay isa nang Manager sa kilalang bangko at Assistant Manager naman si Eboy.
Dumating si Aling Gloria dahil ang bahay niya ay malapit lamang sa dati niyang lupa. Agad siyang tinawag ni Aling Ernita at pinapasok sa loob. Nagulat si Aling Gloria nang makita nito ang laki ng TV nila na tila parang nasa sinehan ka pa!
“Wag kang masyadong malula. Ganiyan talaga ang TV na nais ni Bodji alam mo naman iyon mahilig talaga sa panonood. Sa katunayan ganiyan din ang TV niya sa kaniyang Condo roon”
Napatango na lamang si Aling Gloria sa sambit ng ina ni Bodji. Ang dating mga batang kaniyang pinag dadamutan kahit sa labas ng bahay lang, ngayon ay asensado na sa kani- kanilang buhay. Sa kabila ng kaniyang pag dadamot, hindi pa din nagpadaig ang kabutihan sa kaniya ng kaniyang kapwa.
Source: Daily Trending Feed
