Ang pagiging kargador ay isang trabahong kalimitan ay ginagawa ng mga kalalakihan. Ito ay dahil nangangailangan ito ng malakas na pangangatawan sa pagbubuhat ng mga mabibigat na karga katulad ng mga sako at kahon.
Minsan lamang nagkakaroon ng mga babaeng ginagawa ang trabahong ito. Ngunit, sa isang viral Facebook post ng isang netizen, hindi lang basta-bastang babae ang nagtatrabaho bilang kargador.
Nakakaawa ang isang video na kumakalat ngayon sa Facebook dahil, isang ka-awa-awang lola lang naman ang makikitang nagtatrabaho bilang isang kargador sa isang palengke.
Sa kabila ng katandaan, hindi makikitaan si lola ng panghihina habang dahan-dahang ikinakarga ng dalawang lalaki ang isang sakong punong-puno sa likod ni lola.
Halatang mabigat ang naturang sako dahil nalagpasan pa nga nito si lola sa laki at nawala rin ang ngiti ni lola nang maikarga na ito sa kanyang likod.
Bago tuluyang maikarga ang sako, naglagay pa muna si lola ng isang tela o bandanang susuporta sa sako habang nakakarga ito sa kanyang likod. Itinali niya ito sa bandang likuran at balikat niya, upang marahil ay maibsan kahit kaunti ang bigat ng kanyang kinakarga.
Dahan-dahan man ay nagawa pa ring mabuhat ni lola ang karga. Kitang-kita ang bigat na iniinda nito dahil sa kanyang pagkakayuko at dahan-dahang paglalakad.
Nakakapang-hina ng puso ang naturang tanawin, na ang isang lola ay nagbubuhat ng isang mabigat na sako sa palengke, at ng wala man lang katulong.
Bagama’t umani ng papuri si lola dahil sa pagtatrabaho nito sa kabila ng katandaan, nangibabaw pa rin ang mga hinaing at galit ng mga tao kung bakit hinayaan pa umano si lola na magtrabaho at hindi man lang tinulungan o pinigilan ng mga tao sa lugar.
Marami ang naawa sa sitwasyong ito ni lola na umano’y napakasakit sa damdamin. Dapat umano ay hindi na nag-tatrabaho pa si lola at pinagpapahinga na lamang.
Ito pa ang ilan sa mga naging komento ng mga netizens:
“If it’s her choice will you still let her carry that thing alone? Kitang kita sa face nya na ginagawa nya yan kasi may pamilya sya..
“Naiiyak ako ayoko nakakakita ng matandang nahihirapan o nagtatrabaho,” ani ng isang Garette Purigay.
“From the looks of it, Nanay didn’t wanna be helped but still they should’ve insisted that they carry it but instead they just laughed, that must’ve weighed more or less 50 kilos and that background music just makes it worse, doesn’t even fit the scenario, hate it when people exploit certain vids for their own gain,” saad naman ng isang Ronald Supremo.
Saad pa ng iba, hindi man lang daw tinulungan si nanay ng dalawang lalaking nagpatong ng sako sa likod nito at ngumingiti pa.
Kahit pa raw gusto ni nanay ang trabaho ay hindi pa rin ito dapat hinayaan na maging isang kargador dahil sa edad nito.
Nakakabilib man ang paghahanap-buhay nito sa kabila ng edad upang marahil ay maitaguyod ang kanyang pamilya, dapat umano ay ibang trabaho, iyong magagaan lamang tulad ng pagtitinda, ang ginagawa nito.
Pati sa mismong kumuha ng video ay naglabas rin ng hinaing ang mga netizens. Kung paano umano nitong natiis na kunan ng video ang matanda imbes na pigilan o tulungan nalang daw ito.
Dagdag pa ng iba, karapat-dapat lang raw talaga na hangaan si nanay dahil sa ipinapakita nitong lakas at determinasyon. Ipinapakita at pinatutunayan lamang umano ni nanay na hindi hadlang, maging ang katandaan man, sa taong gustong maghanap-buhay at ayaw maging pabigat sa lipunan.
Source: Daily Trending Feed
