Sa pambihirang pagkakataon ay nagsalita ang singer at negosyante na si Jose Mari Chan tungkol sa kinanselang prangkisa ng ABS-CBN.
Sa isang panayam ay ibinahagi ng tinaguruang “Father of Philippine Christmas Music” ang kanyang Christmas wish ‘yun ay ang pagbabago ng puso ng mga mambabatas na nagdesisyon na harangin ang prangkisa ng Kapamilya network.
Ayon sa kanya ay tila sobra sobra ang ginawa ng mga nasabing mambabatas kumpara sa hiling ni Pangulong Rodrigo Duterte noon na kilalang kritiko ng ABS-CBN dahil sa diumano’y ginawa nila sa kanya noong 2016 elections.
“I would like to see a change of hearts for the better, especially those congressmen that voted against the renewal of the franchise of ABS-CBN,” ani JMC.
“Meaning, for them to realize that what they did was much more than what President Duterte was asking for,” dagdag niya pa.
Tinawag din ni JMC ang pansin nila 1-SAGIP party-list Rep. Rodante Marcoleta at ANAKALUSUGAN party-list Rep. Mike Defensor na kilala bilang mga mambabatas na aktibo sa pagkwestiyon noon sa mga aktibidad ng ABS-CBN.
Hiling ni JMC ay sana’y magbago ang puso nila Marcoleta at Defensor dahil tila ang mga mambabatas na may itinatagong sama ng loob sa nasabing network.
“I’d like to see a change of heart in Marcoleta, Defensor, because they were the ones who seemed to be very angry against our network.”
Nalungkot diumano ng sobra si JMC sa pagsasara ng ABS-CBN dahil sa marami ang nawalan ng trabaho dahil lamang sa galit ng iilan.
Isa si Jose Mari Chan sa mga top stockholder ng ABS-CBN noong March 31, 2020.
Hindi pa nagbibigay ng pahayag si Marcoleta at Defensor sa mga sinabi ni JMC tungkol sa kanila.
The post Jose Mari Chan hiniling na magbago pa ang puso ni Rep. Marcoleta at Defensor sa prangkisa ng ABS-CBN appeared first on Daily BNC NEWS.
Source: Daily BNC News
