Numero uno sa listahan ng mga presidential bets si Davao City Mayor Inday Sara Duterte ayon sa pinakabagong survey ng Pulse Asia.
Isinagawa ang survey noong November 23 – December 3 kung saan ay tinanong nila ang mga tao kung sino ang iboboto nila bilang susunod na Presidente ng Pilipinas kung sa panahon na iyon gagawin ang eleksyon.
Nakakuha ng 26% preference rating si Inday Sara na matagal ng napupusuan ng ilang taga suporta ni Pangulong Rodrigo Duterte para sumunod sa kanyang yapak.
16% dito ay mula sa NCR, 12 sa BL, 29 sa VIS at pinakamalaki ang rating sa Mindanao kung saan nakakuha siya ng 58%.
Samantala ay ikalawa sa listahan si Ferdinand “Bongbong” Marcos na kilalang kaalyado ng mga Duterte.
Nakakuha si Bongbong ng 14% preference rating, pinakamarami nito ay mula sa NCR.
Ikatlo naman si Senadora Grace Poe, ikaapat si Manila City Mayor Isko Moreno at ikalima si Senador Manny Pacquiao.
Ikaanim naman ang posibleng pambato ng oposisyon na si Bise Presidente Leni Robredo na nakakuha lamang ng 8% preference rating.
Hindi pa nagbibigay ng pahayag ang mga politiko na napasama sa listahan ng survey.
Ilang beses ng itinanggi ni Inday Sara na tatakbo siyang Pangulo ng Pilipinas.
Ayon naman sa ilang kaalyado ng Pangulo ay nakakuha ng mataas na rating si Inday Sara dahil patuloy parin ang pagtitiwala ng tao sa administrasyong Duterte at gusto ng ilan na maipagpatuloy ng alkalde ng Davao ang naumpisahan ng kanyang ama.
The post Mayor Inday Sara nanguna, VP Leni Robredo ikalima sa Pulse Asia presidential bets survey appeared first on Daily BNC NEWS.
Source: Daily BNC News
