Pinaulanan ng masasamang salita ng sikat na motorcycle rider na si Billy Jack Sanchez ang batikang mamamahayag na si Erwin Tulfo.
Ito’y matapos ibalita ni Tulfo sa kanyang radio program sa Radyo Pilipinas ang tungkol sa nangyaring pakikipagtalo ni Sanchez sa isang enforcer.
Ayon kay Tulfo ay kailangan ng isama ang psychiatric exam para makakuha ng lisensya sa LTO matapos ang ipinakita ni Sanchez.
Ipinakita rin ni Tulfo sa kanyang programa ang lumang video ng motorcycle rider kung saan ay nahulihan ito ng pinagbabawal na damo.
“May problema talaga itong mama na ito,” ani Tulfo.
Tila hindi naman pinalampas ni Sanchez ang pagkakataon na sumagot kay Tulfo.
Sa kanyang video ay handa si Sanchez na patunayan sa isang ‘test’ na hindi totoo na gumagamit siya.
Hamon niya ay kung mapatunayan niya na mali ang akala ni Tulfo sa kanya ay dapat itong umalis sa TV5.
Ngunit hindi naman sa TV5 nagta-trabaho si Tulfo kundi sa PTV.
Sinisi niya ulit ang kanyang backride kung bakit siya nahuli ng mga enforcer.
Ipinaliwanag din ni Sanchez na ang dahilan ng paglubog ng kanyang mata ay dahil sa kanyang pagta-trabaho bilang isang call center agent.
Sinabi niya rin na baka siya ang sumikat imbis na ang mga Tulfo kung sa parehong henerasyon sila nanggaling.
“Matapang ka lang kasi may bodyguards ka, and you got this influence, nagkamali ka lang ng timeline, kung nagkasabay tayo ng timeline baka si Billy Jack Sanchez You Wanna Know Why ang sumbungan ng bayan,” saad ni Sanchez.
Kwento niya pa ay hindi niya lang pinagbigyan si Tulfo sa isang panayam kaya’t nagkakaganyan ang batikang mamamahayag.
Pati ang isa pang kapatid ng mamamahayag na si Raffy Tulfo ay nadamay na rin sa gigil ni Sanchez.
Sabi niya ay tila gusto pang hilahin pababa ng mga Tulfo ang mga simpleng tao na katulad niya.
“Hindi kayo inaagawan ng parte sa mundong ito, mamigay kayo, sobra kayo ha, parang kukunin ko ‘yung nasa inyo ah, papantay lang ako,” ani Sanchez.
Hindi naman malaman kung papansinin ng mga Tulfo si Sanchez.
Matatandaan na nag viral ang motorcycle rider sa social media dahil sa kakaibang katwiran na sinasambit nito sa mga otoridad.
Sinisi pa nito ang kanyang backride at sinabing ang angkas niya lamang ang lumabag sa batas at hindi siya na may ari ng motor.
The post Billy Jack Sanchez, pinaulanan ng mura ang mga Tulfo: “Matapang ka lang kasi may bodyguard ka!” appeared first on Daily BNC NEWS.
Source: Daily BNC News
