Hanggang sa mga sandali na ito ay hindi parin pinapansin ng mga magkakapatid na Tulfo ang hamon ng motorcycle rider at rapper na si Billy Jack Sanchez.
Matapos ang kanyang naunang video kung saan pinaulanan niya ng masasamang salita ang magkapatid na Erwin at Raffy Tulfo ay nag labas muli ng panibagong mensahe ang sumikat na motorcycle rider na nag viral dahil sa kanyang kakaibang katwiran.
Sa ikalawang video ay hinamon niya si Tulfo sa psychological test at IQ test.
Handa rin daw siya diumanong kumuha ng test in public upang patunayan na hindi siya gumagamit ng kahit anong pinagbabawal.
Nagbigay din ng kondisyon si Sanchez na kung mapapatunayan na hindi siya gumagamit ay dapat isara ni Tulfo ang kanyang programa.
Kumpiyansa rin diumano si Sanchez na mas mataas ang IQ niya kaysa sa kilalang mamamahayag.
“Wag kang manira ng tao, wag kang pabida, wag kang pasikat,” sabi ni Sanchez.
Hindi pa sumasagot si Tulfo sa hamon ni Sanchez.
Mensahe naman ni Sanchez sa mga netizens ay matagal na siyang nagbago at nagta-trabaho ng maayos.
“Hindi kayo makatao lahat, I’m just being me, when I was caught in that camera, I’m just expressing myself,” saad ni Sanchez.
“Sa gwapo kong ito, pag iisipan niyo ko na gumagamit?” dagdag niya pa.
Ipinakita niya pa ang kanyang ‘fit’ na katawan upang patunayan na hindi siya gumagamit.
Ngunit sagot ng ilang mga netizens, tila kakaiba na ang ginagawa ni Sanchez.
Sinabi pa ng ilang nag comment sa kanyang video na kailangan ay aminin niya na ang kanyang kasalanan at wag ng ipagdiinan ang angkas niya sa motor.
“May punto ka naman. Pointless nga lang,” sabi ni Benedict Averilla.
Pero may ilan naman na tila humanga sa katapangang ipinakita ni Sanchez.
“Nakikita ko skanya mabait na tao sya. Sino Agree?” ani Nathan Gravamen.
Matatandaan na sumikat si Sanchez noong nakaraang linggo dahil sa kakaiba niyang pangangatwiran matapos siyang mahuli ng mga enforcer.
Paliwanag niya ay kumpleto naman ang motorycle gear niya maliban sa backride niya kaya’t ang paniniwala niya ay ang angkas niya lang ang lumabag sa batas.
Inulit niya ang nasabing katwiran sa unang video niya laban sa mga Tulfo.
Nag umpisa ang pambabatikos ni Sanchez matapos ipakita ni Tulfo ang video na kuha ilang taon na ang nakakaraan noong mahuli ang rapper ng mga otoridad sa Kalinga.
The post Tulfo hinamon ng IQ test ni Billy Jack Sanchez para mapatunayan kung sino ang mas matalino sa kanila appeared first on Daily BNC NEWS.
Source: Daily BNC News
